| e-texts navigator |
| Wylie |
227a1 ན།། ལུང་པ་གསུམ་གྱི་མདོར་ཕྱིན་འདྲ།། འབྲེལ་ཚུལ་ངོ་སྤྲོད་མ་ཤེས་ན།། སྨྱོན་པ་མུ་ཅོར་སྨྲ་བ་འདྲ།། བསྟན་པའི་དགོས་ཆེད་མ་ཤེས་ན།། དོན་མེད་བརྫུན་ཚིག་སྨྲ་བ་འདྲ།། མི་མཐུན་འགལ
227a2 བསྡེབས་མ་ཤེས་ན།། ངལ་བ་དོན་མེད་ལམ་ཞུགས་འདྲ།། རྒོལ་རྩོད་གགས་སེལ་མ་ཤེས་ན།། རྐུན་མོ་གཏང་ཁུང་བཙུད་པ་འདྲ།། ཡོན་ཏན་བཤད་ཐབས་རྣམ་པ་བཅུ།། ཁྱུང་ཆེན་ནམ་མཁར་ལྡིང་བའི་བློས།། དོན
227a3 གྱི་སྤྱི་ཁོག་ཕུབ་སྟེ་བཤད།། སེང་གེ་གངས་ལ་མཆོངས་འདྲ་ཡིས།། ཐེག་དམན་ཟིལ་གྱིས་མནན་ལ་བཤད།། སྟག་མོ་མཆོངས་པ་ལྟ་བུ་ཡིས།། དཀྱིས་ཀྱི་ས་བཅད་བྱས་ཏེ་བཤད།། རུས་སྦལ་ནུར་འགྲོས་ལྟ་བུ
227a4 ཡིས།། ཚིག་གི་འབྲུ་རྣམས་གཉེར་ཏེ་བཤད།། ངང་པ་གཤིབས་འགྲོས་ལྟ་བུ་ཡིས།། སྔ་ཚིག་ཕྱི་ཚིག་དོན་འགྲེལ་བཤད།། སེང་ཕྲུག་རྩལ་སྦྱོང་ལྟ་བུ་ཡིས།། ཚིག་གི་བསྣོལ་མཚམས་ཕྱེ་ལ་བཤད།། རིག་པ་སྦྲུམ་ཐུན
227a5 ལྟ་བུ་ཡིས།། གང་ཡིན་དམིག་ནས་བཟུང་ལ་བཤད།། ཚད་མ་གསུམ་གྱི་གཏན་ཚིགས་ཀྱིས།། དུས་ཀྱི་འབྲུག་དང་སྦྱར་ལ་བཤད།། གླག་མོ་གཟན་ལ་འཛུམས་འདྲ་ཡིས།། གོལ་སྒྲིབ་གདར་ཤ་བཅད་ལ
227a6 བཤད།། ཅེས་གསུངས་སོ།། གསང་བ་སྤྱི་རྒྱུད་ལས། བཤད་ཐབས་ཀྱི་ལེའུ་སྟེ་ལྔ་པའོ།། །། དེ་ནས་སེམས་དཔའ་རྡོ་རྗེ་གསང་བདག་ཆེན་པོ་ལ་གསོལ་པ།། ཇི་ལྟར་གནས་ལུགས་ཇི་ལྟར་ལགས།། གསང
iiif viewer powered by OpenSeadragon
