| e-texts navigator |
| Wylie |
226b1 སོ།། གསང་བ་སྤྱི་རྒྱུད་ལས། ཡི་གེའི་དོན་བཤད་པའི་ལེའུ་སྟེ་གསུམ་པའོ།། །། དེ་ནས་གསང་བདག་ཆེན་པོ་ལ། སེམས་དཔའ་རྡོ་རྗེས་ཞུས་པ།། ཡི་གེའི་བྱེ་བྲག་དེ་དག་ལ།། རྒྱུད་དུ་འགྲོ་བ་ཇི་ལྟར
226b2 ལགས།། གསང་བདག་ཆེན་པོས་གསུངས་པ།། སྒྲ་དང་ཚིག་དང་གླེགས་བམ་དང་།། ངོ་བོ་ངེས་ཚིག་དབྱེ་བ་དང་།། དགོངས་གཞི་མཐུན་དཔེ་ལྡང་ཚད་དང་།། མཚན་དང་ཆེ་ཚུལ་ཁྱད་པར་རོ།། སྣང་བ་གསུམ་ལ
226b3 རྒྱུད་གསུམ་དང་།། དཀར་ཤད་དག་དང་རང་བཞིན་དག། ཡེ་ཤེས་དག་ལ་སྐུ་གསུམ་མོ།། ཀུན་ཀྱང་རྒྱུད་ཀྱི་རང་བཞིན་ཏེ།། རྒྱུད་མ་ཡིན་པ་གཅིག་ཀྱང་མེད།། བདུན་དང་དགུ་དང་བཅུ་གཅིག་ནི།། དེ་ལྟར་རྒྱུད
226b4 ལས་འབྱུང་བའོ།། ཞེས་གསུངས་སོ།། གསང་བ་སྤྱི་རྒྱུད་ལས། རྒྱུད་ཀྱི་བྱུང་ཚུལ་བསྟན་པའི་ལེའུ་སྟེ་བཞི་པའོ།། །། དེ་ནས་སེམས་དཔའ་རྡོ་རྗེས། གསང་བདག་ཆེན་པོ་ལ་གསོལ་བ།། རྒྱུད་ཀྱི་བྱུང་ཚུལ་དེ་ལྟར
226b5 བྱུང་བ་ལ།། དེ་ཡི་བཤད་ཐབས་ཇི་ལྟར་ལགས།། གསང་བདག་ཆེན་པོས་གསུངས་པ།། བཤད་པ་ཉེས་པའི་སྐྱོན་དང་ནི།། བཤད་ཐབས་བཅུ་ཡི་ཡོན་ཏན་ནི།། རིམ་པར་ཕྱེ་སྟེ་སོ་སོར་བཤད།། མདོ་སྔགས་ཁྱད་པར
226b6 མ་ཕྱེ་ན།། ཆུ་དང་འོ་མ་འདྲེས་པ་འདྲ།། གསང་སྔགས་ཕྱི་ནང་མ་ཕྱེད་ན།། མང་པོ་ཁྲོམ་དུ་འཆོལ་བ་འདྲ།། དགོངས་པའི་གོ་རིམ་མ་ཕྱེད་ན།། མར་དང་སྦྱིན་གཉིས་བསྲེས་པ་འདྲ།། རྒྱུད་ཀྱི་འཁྲུགས་བསྡེབ་མ་ཤེས
iiif viewer powered by OpenSeadragon
