| e-texts navigator |
| Wylie |
226a1 ཡང་གཅིག་མི་ལས།། འབྲུ་ལ་ལྷག་མ་མི་ལྔས་ཏེ།། འབྲུ་འཇོམས་པ་ཡི་འགྲེལ་པར་བཤད།། དཔེ་དོན་རྒྱུ་འབྲས་འགྲེལ་པ་འདིས།། འདྲ་དང་ཡིན་མིན་དོན་བསྟན་ནས།། ཆོས་དེ་ལ་ནི་མིང
226a2 དུ་འདོགས།། ངོ་བསྟན་པ་ཡི་འགྲེལ་པར་བཤད།། གཏན་ཚིགས་དོན་གྱི་འགྲེལ་པ་ནི།། མ་ནོར་པ་ཡི་སྙིང་པོ་འབྱིན།། དོན་འབྱིན་པ་ཡི་འགྲེལ་པར་བཤད།། དོན་གྱི་འབྲེལ་པ་ལྔ་པོ་ལ།། མ་བཤད་སྐྱོན་ཡང་ཡོད་པ
226a3 སྟེ།། ཚིག་པར་འབྲུ་ཡི་འགྲེལ་མེད་ན།། ཚིག་པར་འབྲུ་ཡི་ཚིག་མི་སྡེབས།། འབྲུ་མི་ཆོམས་པའི་སྐྱོན་དུ་འགྱུར།། དཔེ་དོན་རྒྱུ་འབྲས་འགྲེལ་མེད་ན།། ཆོས་ལ་མིང་གིས་མི་ཐོགས་ཏེ།། མཚོན་དུ་མེད་པའི་སྐྱོན་དུ
226a4 འགྱུར།། གཏན་ཚིགས་དག་གི་འགྲེལ་མེད་ན།། དོན་གྱི་རྩ་བ་མི་རྙེད་དེ།། དོན་མི་རྟོགས་པའི་སྐྱོན་དུ་འགྱུར།། འབྱེད་པར་བྱེད་པའི་འགྲེལ་མེད་ན།། སོ་སོའི་བྱེ་བྲག་མི་ཕྱེད་དེ།། ས་མི་ཆོད་པའི་སྐྱོན་དུ
226a5 འགྱུར།། སྡུད་པར་བྱེད་པའི་འགྲེལ་མེད་ན།། རྩ་བ་གཅིག་ཏུ་མ་གྱུར་ཏེ།། མཐའ་ཡས་པ་ཡི་སྐྱོན་དུ་འགྱུར།། དེས་ན་འགྲེལ་པ་ལྔ་པོ་འདི།། དུས་གསུམ་སངས་རྒྱས་ཐམས་ཅད་ཀྱི།། གསུང་གི་ཚིག་ཏུ་ངས་སྨྲས
226a6 པ།། འཁོར་གསུམ་ཁྱེད་ལ་སོགས་པ་ཀུན།། གསང་བདག་ཆེན་པོ་ང་ཡི་ལུང་།། བྱང་ཆུབ་སེམས་ཀྱི་རང་བཞིན་འདི།། རྟོགས་པར་བྱ་ཕྱིར་འགྲེལ་ལྔ་འདི།། ང་ཡིས་ཁྱེད་ལ་བསྟན་པ་ཡིན།། ཞེས་གསུངས
iiif viewer powered by OpenSeadragon
