| e-texts navigator |
| Wylie |
224b1 ཡན་ལག་རྒྱུ་ཡི་ཡི་གེ་བྱུང་། དེ་ལས་གཙོ་བོའི་ཡི་གེ་བྱུང་།། དེ་ལས་གྲོགས་ཀྱི་ཡི་གེ་བྱུང་།། ཡི་གེ་འབྲུ་གཅིག་ལུས་པོ་ལ།། དགོས་པའི་ཡན་ལག་བདུན་ཚང་སྟེ།། མགོ་ནི་མངོན་པར་ལམ་འདྲེན་ལ།། ཚག་མིག་རྟ
224b2 བཞི་འོག་ཏུ་ལྷ་བཞིན་ཡང་བྱུང་ཤད་ལྟ་ཞོན།། ཡན་ལག་ཤུགས་ཀྱིས་འགྲོ་བར་བྱེད།། ཡན་ལག་ཤུགས་ཀྱིས་འགྲོས་བསླང་ནས།། མགོ་ནི་དོན་གྱི་ལམ་དུ་ཞུགས།། ཚིག་ནི་ཤེས་རབ་མིང་དུ་སྨྲས།། ཤད་ཀྱི་སྡེ་པ་ཚེགས་སུ
224b3 གཅོད།། ཡི་གེའི་དོན་དང་རང་བཞིན་སྟོན།། ཚིག་པར་འབྲུ་ཡི་ཚིག་དོན་ནི།། སྟོན་པའི་གསུང་དུ་ངེས་པར་གསུངས།། ལྷུག་པར་ཤར་བ་སིལ་བུར་རྣམས།། འདྲེས་པ་གང་ཟག་མི་ཡི་ཚིག། ང་ཡིས་གསུངས་པའི་དོན
224b4 ལ་སྨྲ།། ཞེས་གསུངས་སོ།། གསང་བ་སྤྱི་རྒྱུད་ལས། སྒྲ་དང་ཡི་གེའི་བྱུང་ཚུལ་བསྟན་པའི་ལེའུ་སྟེ་གཉིས་པའོ།། །། དེ་ནས་སེམས་དཔའ་རྡོ་རྗེས། སྟོན་པ་གསང་བདག་ཆེན་པོ་ལ་ཞུས་པ།། ཡི་གེའི་རང་བཞིན
224b5 དེ་ལྟར་བྱུང་བ་ལ།། འགྲེལ་དང་བཤད་ཐབས་ཇི་ལྟར་ལགས།། སྟོན་པ་གསང་བདག་ཆེན་པོས་གསུངས་པ།། ཇི་ལྟར་གནས་པའི་གནས་ལུགས་ཏེ།། ཚིག་གིས་མཚོན་དུ་མེད་པ་ལ།། རྗེས་འཇུག་ལ་སོགས་ཕྱིར
224b6 བས་ལ།། ཤེས་ཤིང་རྟོགས་པར་བྱ་བའི་ཕྱིར།། དོན་གྱི་འགྲེལ་པ་ལྔ་འདི་བཤད།། ཁྱེད་ལ་སོགས་པའི་འཁོར་རྣམས་ཉོན།། དུས་གསུམ་སངས་རྒྱས་རྣམས་ཀྱིས་ཀྱང་།། དོན་གྱི་འགྲེལ་པ་ལྔ་པོ་འདི།། རྟོགས་ནས་སྐྱེ
iiif viewer powered by OpenSeadragon
