| e-texts navigator |
| Wylie |
224a1 རྒྱས་ཐུགས་ཉིད་བསྒྲུབ་པའི་མཆོག། འདོད་བྲལ་རྟོགས་པའི་དོན་ཆེན་པོ།། མ་བཅོས་བྱ་གཏང་དོན་དང་མཐུན།། འཛིན་བྲལ་འདི་ལ་གནས་པ་ནི།། རྣལ་འབྱོར་ཆེན་པོ་སྐལ་བ་བཟང་།། ལུས་ངག
224a2 འཁྲུལ་པ་དང་གིས་ཞི།། རྐྱེན་སྣང་འཁྲུལ་པའི་མཐའ་མི་འཛིན།། མི་བྱེད་མ་ཕྱེད་མཉམ་པ་ཉིད།། རང་གནས་རང་ལུགས་དོན་ཆེན་པོ།། དངོས་གཞི་མེད་པས་མྱོང་དང་བྲལ།། དེ་བཞིན་ལྕེ་ཡི་དབང་པོས
224a3 ཀྱང་།། ཡང་དག་དོན་ལ་བརྗོད་དུ་མེད།། སྣང་བའི་ངོ་བོ་མེད་པ་ནི།། མ་བཙལ་བཞག་པ་ཉིད་དུ་བདེ།། སྣང་དང་སྟོང་པའི་ཕྱོགས་ཆ་བྲལ།། རྟག་དང་ཆད་པའི་མཐའ་མི་གནས།། འགྲོ་དྲུག་འཁྲུལ་པའི་རང་བཞིན
224a4 དང་།། རྒྱལ་བའི་དགོངས་པ་ཡང་དག་གཉིས།། མཉམ་ཉིད་དུས་ན་བཟང་ངན་མེད།། ཐ་མལ་སེམས་ཀྱི་སྣང་བ་དང་།། རྟོགས་ལྡན་རང་སྣང་ཤེས་པ་གཉིས།། གཅིག་སྒྲིབ་གཅིག་སྐྱེ་གཉིས་མི་མངའ།། གསེར་དང
224a5 སེར་པོའི་དཔེ་བཞིན་ནོ།། མི་སྐྱེ་རྟོག་མེད་བྱ་བ་བྲལ།། འགྱུར་མེད་འགྲོ་འོད་མེད་པའི་མཆོག། ཅེས་གསུངས་སོ།། གསང་བ་སྤྱི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་སེམས་དཔའ་རྡོ་རྗེས།།
224a6 གསང་བདག་ཆེན་པོ་ལ་གསོལ་པ། སྟོན་པའི་གླེང་གཞི་དེ་ལྟར་གསུངས་པ་ལ། སྒྲ་དང་ཡི་གེ་གང་ལས་བྱུང་བ་ལགས་གསོལ་པས། སྟོན་པ་གསང་བདག་ཆེན་པོས་གསུངས་པ། ཡི་གེའི་གཙོ་བོ་སྐྱེ་བ་མེད།། དེ་ནས
iiif viewer powered by OpenSeadragon
