| e-texts navigator |
| Wylie |
223b1 སེམས་ཅན་མཉམ་པ་ཉིད།། མཐའ་དང་དབུས་མེད་ཀློང་ཆེན་པོ།། མཚན་ཉིད་རིག་པ་བསམ་མི་ཁྱབ།། ལུས་ཀྱང་དེ་བཞིན་གནས་པ་སྟེ།། རང་རང་འདོད་པ་བཞིན་དུ་འཁྲུལ།། ཟོ་ཆུའི་རྒྱུན་བཞིན་གནས་པ
223b2 བཞིན།། དེ་རྩད་གཅད་ཅིང་གཏན་ལ་དབབ།། ཀུན་གྱི་གཞི་མ་མཉམ་པ་ཉིད།། རྒྱུད་གཅིག་ལྡོག་དང་བཅས་པའོ།། སྔ་ཕྱི་མེད་པར་དབྱིངས་སུ་གཅིག། མ་བཅོས་སྙིང་པོ་ཀུན་གྱི་གཞི།། རིན་ཆེན་གཏེར་གྱི་མཛོད
223b3 ཆེན་པོ།། རྒྱུ་ལས་མ་བྱུང་རྐྱེན་དང་བྲལ།། འདི་འདྲར་བསྟན་མེད་བྱང་ཆུབ་སེམས།། འགྱུ་བ་མེད་ན་དྲན་མི་སྐྱེ།། སྟོང་པའི་ངང་ལ་རྩིས་གདབ་མེད།། ནམ་མཁའ་བཞིན་དུ་མཐའ་དབུས་མེད།། སྙིང་པོ་ཉིད་ལ་སོར
223b4 གནས་པ།། ཉི་ཟླ་བཞིན་དུ་གསལ་འགྲིབ་མེད།། ཕྱོགས་བྲལ་ཐེག་པ་ཀུན་གྱི་རྩེ།། ཐམས་ཅད་འབྱུང་བའི་གནས་ཆེན་པོ།། རྒྱུད་རྣམས་མ་ལུས་བདག་པོ་ཡིན།། འདོད་དགུ་འབྱུང་བའི་རིན་པོ་ཆེ།། སྟོན་པ་རྣམ
223b5 གསུམ་ཐུགས་ཀྱི་བཅུད།། མཁྱེན་པའི་ཡེ་ཤེས་བསམ་མི་ཁྱབ།། དུས་གསུམ་སངས་རྒྱས་དགོངས་པའི་མཆོག། དབང་པོའི་བསམ་པ་འདི་ཉིད་ནི།། འགྱུ་བ་མེད་ན་དེ་ཉིད་ཡིན།། རིག་པ་བརྗེད་མེད་བསྒོམ་མི
223b6 དགོས།། དྲན་པའི་ཕྱོགས་ལ་རྗེས་མི་གཅོད།། མཁའ་དང་འཇའ་ཚོན་དཀྱིལ་འཁོར་ལ།། ཞེན་མེད་ཚུལ་འཇུག་ངང་གིས་བདེ།། རང་དབང་རྒྱལ་པོ་རྟོགས་པ་ཆེ།། དོན་ལས་མི་འདའ་མཉམ་པ་མེད།། སངས
iiif viewer powered by OpenSeadragon
