| e-texts navigator |
| Wylie |
223a1 མྱོང་།། སྡུག་བསྔལ་དེ་ལས་ཐར་པའི་ཐབས།། སྣོད་བཅུད་གཉིས་འཇོམ་མན་ངག་གིས།། དེ་དོན་གྲོལ་བའི་ཐབས་སུ་བསྟན།། འཁྲུལ་པ་རྩད་ནས་གཅད་པ་དང་།། མན་ངག་གནད་ལ་དབབ་པ
223a2 དང་།། མཚོན་བྱ་དཔེ་ཡིས་ངོ་བསྟན་དང་།། དབྱེ་བ་གཉིས་སུ་བསྟན་པ་དང་། སྐུ་ལྔ་ངོ་ཡིས་བཟུང་བ་དང་།། བརྡའ་དོན་ཁྱད་པར་བསྟན་པ་དང་།། རང་རྒྱུད་བསྟན་པའི་རིམ་པ་ཡིས།། རྒོལ་རྩོད་རིམ་པའི་དབྱེ་བ
223a3 དང་།། མན་ངག་དོན་དང་སྦྱར་བ་དང་།། བཤད་ཐབས་རིམ་པར་བསྟན་པ་དང་།། རྣ་བརྒྱུད་བསྟན་པའི་རིམ་པ་ཡིས།། དེ་ཉིད་ཐོབ་པའི་ཐབས་སུ་བསྟན།། དགོས་འབྲེལ་གཉིས་ཀྱི་ཁྱད་པར་དང་།། ཡོན་ཏན་རྒྱུད
223a4 ཀྱི་ཆེ་བ་དང་།། ཁྱད་པར་མཚན་གྱི་ཆེ་ཚུལ་ལོ།། ཞེ་འདོད་མེད་པའི་རྟོགས་པ་དང་།། དངོས་པོ་ཅི་ཡང་མ་ཡིན་པས།། ཡེ་ཤེས་རང་ལུས་གསལ་འགྲིབ་མེད།། རྐྱེན་ལ་ལྟོས་པའི་འཁྲུལ་སེམས་བྲལ།། ལུས་ངག
223a5 འཁྲུལ་པ་རང་བཞིན་ཞིག། རྒྱུ་ཡི་ཆོས་ལ་བློ་མི་སྐྱེ།། ཐེག་པ་ཆེ་ལས་བློ་མི་འགྱུར།། རྟོགས་པས་བྱ་བ་ངང་གིས་གཏང་།། དགེ་སྡིག་སེམས་དང་བྲལ་བའོ།། ངོ་བོ་གྲུབ་པ་ཅི་ཡང་མེད།། སྟོང་པ་ཡེ་ཤེས་སྙིང་པོ
223a6 ཉིད།། བཅོས་བསླད་མེད་པའི་རང་བཞིན་ཉིད།། འགྱུ་མེད་འཛིན་མེད་རྟོག་པ་བྲལ།། སྣང་སྟོང་མཐའ་གཉིས་བྲལ་བ་ཉིད།། འཁྲུལ་པའི་མྱོང་རིག་གང་ཡང་མེད།། འགྱུར་མེད་རྐྱེན་དང་བྲལ་བའོ།། སངས་རྒྱས
iiif viewer powered by OpenSeadragon
