| e-texts navigator |
| Wylie |
222b1 ལྟར་འཁྲུལ།། དེ་ལས་གྲོལ་ཐབས་ཡོད་དམ་མེད།། ཞུས་པས། གསང་བདག་ཆེན་པོས་ལན་གསུངས་པ། མཉམ་ཉིད་རང་བཞིན་ལྷུན་གྲུབ་ལུས།། ཡེ་ཤེས་མཁའ་ལ་འདེགས་པའི་རླུང་།། རང་གསལ་རིན་པོ་ཆེ་ཡི
222b2 སྦུབས།། ཟེར་རྩལ་མ་འགགས་སོ་སོར་ཤར།། རྟོགས་ལུགས་སྣང་བ་བདུན་དུ་སྣང་།། རང་བཞིན་སྣང་དང་གདུལ་བྱ་ཡི།། མཐར་ཐུག་འབྲས་བུ་གསུམ་གྱིས་སུ།། ཐུགས་ལས་འབྱུང་བ་བཅུད་ཀྱིས་སུ།། དྲན་སེམས
222b3 འགྱུ་བ་ཀུན་དང་བྲལ།། བདེ་བ་རང་སྣང་འཛིན་སེམས་མེད།། ཐེག་པ་ཀུན་གྱི་བླ་མེད་མཆོག། དབང་པོ་ཀུན་རྐྱེན་མི་སྣང་ན།། མི་འཛིན་མི་སྣང་རྐྱེན་དང་བྲལ།། གཙོ་མ་བཞིན་ཏེ་བཅོས་བསླད་མེད།། སྙིང་པོ།
222b4 འདོད་པ་མེད་ན་གསལ།། དྲི་མ་འཁྲུལ་རྟོག་ངང་གིས་མེད།། ཡེ་ཤེས་རང་ལུགས་ངང་གིས་བདེ།། སྟོན་པ་གསུམ་གྱི་ངོ་བོ་དང་།། དུས་གསུམ་སངས་རྒྱས་ཐམས་ཅད་ལ།། དགོངས་པ་དེ་ལས་ཡོངས་མི
222b5 མངའ།། ཡང་ཞུས་པ། སྟོན་པའི་དགོངས་པ་དེ་ལྟ་ན།། འགྲོ་དྲུག་མོས་པ་དྲང་བའི་ཐབས།། ཀུན་མཁྱེན་ཁྱོད་ཀྱིས་གསུང་དུ་གསོལ།། ཞེས་གསོལ་པས།། གསང་བདག་ཆེན་པོས་གསུངས་པ། འགྲོ་དྲུག་སེམས
222b6 ཅན་ཐམས་ཅད་ཀྱིས།། ཐོགས་མེད་དུས་ནས་དོན་མ་གསལ།། འགྱུ་བ་རིག་པ་སོ་སོར་ཤར།། དེ་ལ་བརྟས་ཤིང་ཞེན་པའི་སེམས།། ཀུན་འཚོལ་ངེས་འཇོག་གཏན་ལ་འབེབས།། ཞེན་བརྟས་སྡུག་བསྔལ་སོ་སོར
iiif viewer powered by OpenSeadragon
