| e-texts navigator |
| Wylie |
222a1 རྒྱ་གར་སྐད་དུ། གུ་ཧྱ་སཱ་མཱ་མྱ་ཏན་ཏྲ་ནཱ་མ། བོད་སྐད་དུ། གསང་བ་སྤྱི་རྒྱུད་ཅེས་བྱ། གསན་ཡིག་ཏུ་སེམས་ལུང་ཆེད་མོའི་མདོ་གསང་བ་སྤྱིའི་རྒྱུད་ཅེས་པ་དེ་ཡིན། བཅོམ་ལྡན་འདས་གསང་བདག་ཆེ
222a2 ལ་ཕྱག་འཚལ་ལོ།། འདི་སྐད་ཐོས་པའི་དུས་ན་རང་བཞིན་རང་སྣང་བའི་གནས་ན། རང་བྱུང་གི་སྟོན་པ་གསང་བདག་ཆེན་པོ་ལ་འཁོར་གསུམ་གྱིས་བསྐོར་ཏེ། བསྟན་པ་གསུམ་གྱི་དོན་ལ་བཀོད་དོ།། དེ་ནས་སྟོན་པ
222a3 གསང་བདག་ཆེན་པོས།། ཆེད་དུ་བརྗོད་པ་འདི་ཆེད་དུ་བརྗོད་དོ།། གང་ཡང་གྲུབ་པ་མེད་པའི་ངང་།། མིང་གི་ཐ་སྙད་གྲུབ་པ་མེད།། སྣང་བ་གསུམ་གྱི་རང་བཞིན་ལས།། སྟོན་པ་གསུམ་ཀྱི་ངོ་བོར་ཤར།། གདུལ་བྱའི
222a4 ཞིང་ལ་སོ་སོར་སྣང་།། སྐུ་དང་གསུང་ཐུགས་རིམ་པ་ཡིས།། རང་རང་མོས་པ་སོ་སོར་ཤར།། ཡི་གེ་མེད་སྣང་གསུང་ཚིག་གིས།། གང་འདོད་འབྲས་བུ་སོ་སོར་སྣང་།། ཁམས་གསུམ་གནས་པའི་སེམས་ཅན
222a5 རྣམས།། རྒྱུ་དང་ལོག་གཅོད་ཐབས་བྲལ་བས།། རྒྱུད་དྲུག་འཁོར་བའི་ནང་དུ་འཁྱམས།། མ་རིག་མ་རྟོགས་མ་ཤེས་པས།། ཡུན་རིང་སྡུག་བསྔལ་སོ་སོར་སྤྱོད།། ཅེས་གསུངས་སོ།། དེ་སྐད་བརྗོད་པའི་མཐུས་འཁོར
222a6 གྱི་ནང་ནས་སེམས་དཔའ་རྡོ་རྗེ་དེས་སྟོན་པ་ལ་ཞུ་བའི་དོན་ཞུས་པ། བདག་ལ་སོགས་པའི་འཁོར་རྣམས་ཀྱིས།། སྟོན་པའི་རང་བཞིན་ཇི་ལྟར་རྟོགས།། རྒྱུད་དྲུག་སེམས་ཅན་ཐམས་ཅད་ཀྱིས།། དང་པོ་མ་རྟོགས་ཇི
iiif viewer powered by OpenSeadragon
