| e-texts navigator |
| Wylie |
220a1 གི་དྲིང་མི་འཇོག། རང་རིག་རྒྱལ་པོ་ཚིག་ལས་འདས་རྟོགས་ན།། ཕྱི་ནང་སྣོད་བཅུད་བདག་ཉིད་ཆེན་པོར་ལྡོག། སངས་རྒྱས་ཀུན་གྱི་ཐུགས་ཀྱི་མཆོག། སངས་རྒྱས་ཉིད་ཀྱི་ཐུགས་ལ་གནས།། སེམས
220a2 ཅན་ཀུན་གྱི་བྱང་ཆུབ་སེམས།། མགོན་པོ་དྲི་མེད་ཤེས་རབ་ཀྱིས།། རྣམ་པར་དག་པའི་ཞིང་ཁམས་སུ།། དུས་གསུམ་གཅིག་སྟེ་མཉམ་པར་གནས།། རྡོ་རྗེ་འཆང་གི་ཡེ་ཤེས་ནི།། བདེ་གཤེགས་རྣམས་ཀྱི་ཐུགས་ལ
220a3 གནས།། སེམས་ཅན་རྣམས་ལ་དེ་བཞིན་ནོ།། ཡི་གེའི་ངོ་ལ་མི་སྣང་ཡང་།། མཚོན་པའི་ཡི་གེས་དོན་ལ་སྣང་།། དོན་གྱི་ཡི་གེ་དམ་པ་དེ།། ཤེས་རབ་ཅན་གྱིས་ཨར་སྣང་བ།། ཨ་ཡི་རང་བཞིན་ཁོང་ནས་འབྱུང་།། ཁོང
220a4 ནས་འབྱུང་བ་སྐྱེ་བ་མེད།། སྐྱེ་མེད་ཡི་གེར་མཚོན་པ་དེ།། མགོན་པོ་དྲི་མེད་ང་ཡི་སྐུ།། ང་མེད་ང་ནི་སྟོང་པ་ཡིན།། འཕགས་པ་རྣམས་ཀྱིས་ང་མི་གཟིགས།། བདུད་དང་མུ་སྟེགས་ང་མི་སྣང་།། ང་ལ་རང་བཞིན་མེད
220a5 པས་ན།། བདུད་བཞི་རྣམ་པར་གྲོལ་བ་ཡིན།། ང་ནི་མི་འགྱུར་རྡོ་རྗེའི་སྐུ།། ཟག་པ་མེད་པའི་ཡེ་ཤེས་ཡིན།། ཀྱེ་རྡོ་རྗེ་འཛིན་པ་ཉོན་ཅིག། ང་དྲི་མ་མེད་པ་ཡེ་ཤེས་ཀྱི་སྐུ་ལ། དགེ་བ་དང་སྡིག་པ་གཉིས་མེད
220a6 དོ།། དཔེར་ན་ནམ་མཁའ་ལ་ནམ་མཁའ་གནས་པའི་ཚུལ་ལོ།། ང་གདོད་མ་ནས་སྙིང་པོ་བྱང་ཆུབ་ཏུ་གནས་པ་ལ། འབྲས་བུ་ཐོབ་དང་མ་ཐོབ་གཉིས་སུ་མེད་དོ།། ང་སྟོང་པ་ཆེན་པོའི་ཡེ་ཤེས་ཀྱི་སྙིང་པོ་ཅན་དུ་གནས
iiif viewer powered by OpenSeadragon
