| e-texts navigator |
| Wylie |
21b1 ཚོགས་ཆུ་ཀླུང་དང་།། དགྲ་ཡི་འཚེ་བ་མེད་པ་ཡིས།། ཉམས་དགའི་གནས་སུ་བསམ་གཏན་བྱ།། ཤིན་ཏུ་སྦྱངས་ཤིང་གོམས་གྱུར་པས།། དེ་ཚེ་ཉིན་མཚན་དགུ་ཡིས་ནི།། བྱང་ཆུབ་ཐོབ་པར་གདོན་མི་ཟ།། ཀུན་ཏུ་འོད
21b2 ཀྱི་ས་ལ་གནས།། དེ་བཞིན་གཤེགས་པ་ཐམས་ཅད་ཀྱི་རང་བཞིན། ནམ་མཁའ་ཆེ་རྒྱས་པའི་རྒྱུད་ལས། ཕྲ་མོའི་རྣལ་འབྱོར་བསྟན་པའི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས
21b3 པ་ཐམས་ཅད་ཀྱི་བདག་པོ་དེ་ཡང་ཤིན་ཏུ་སྦྱོར་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བསྒྲུབ་པའི་ཐབས་ནི་ཐིག་ལེའི་རྣལ་འབྱོར་དུ་བྱ་བ་འདི་གསུངས་སོ།། རི་རྩེ་ཉམས་ནི་དགའ་བ་དང་།། ཤིན་ཏུ་གསང
21b4 བའི་བྲག་ཕུག་ཏུ།། བདེ་བའི་སྟན་ལ་འདུག་ནས་ནི།། གསང་བ་དམ་པ་འདི་བསྒོམ་མོ།། གསང་བ་དབྱིངས་ཀྱི་དབུས་དག་ཏུ།། གཞལ་ཡས་བརྩེགས་པ་བསྒོམས་ནས་ནི།། རང་གི་དཀྱིལ་འཁོར་བསྒོམ་པར
21b5 བྱ།། ཡན་ལག་བཞི་དང་རབ་ལྡན་ཞིང་།། དཀྱིལ་འཁོར་བཞི་ནི་བསྐྱེད་བྱ་སྟེ།། ཙཀྲ་བཞི་དང་གང་སྦྱོར་བས།། ཕྱག་རྒྱ་བཞི་པོ་རྣམ་པར་བསྒོམ།། དེ་ཉིད་གསུམ་དང་རབ་ལྡན་དེ།། ཤེས་རབ་མ་ཡི་རྗེས་འབྲང
21b6 ནས།། སྦྱོར་བའི་ཆོ་ག་མཁས་པས་བསླབ།། སྦྱོར་བའི་ཆོ་ག་ལས་བྱུང་བའི།། ཡང་དག་དྲི་མེད་དབུས་སུ་བལྟ།། ཤིན་ཏུ་ཕྲ་བའི་དམ་ཚིག་སྟེ།། མི་གསལ་གསལ་བའི་དམ་ཚིག་ཅན།། དཀྱིལ་འཁོར་ཀུན་གྱི་བདག
iiif viewer powered by OpenSeadragon
