| e-texts navigator |
| Wylie |
219a1 བྱང་ཆུབ་ཀྱི་སྙིང་པོ་ལ་གནས་པའི་ཚེ། བྱང་ཆུབ་ཀྱི་ཆོས་ལ་བྱང་ཆུབ་ཏུ་བསྒྲུབ་ཏུ་མི་གནས་སོ།། དེ་བཞིན་གཤེགས་པ་རྣམས་ཀྱི་ཡེ་ཤེས་ལ།། སེམས་ཅན་གྱི་ཆོས་མེད་དེ་མི་གནས་སོ།། ཨ་ཏི་ཡོ་ག
219a2 རྫོགས་པ་ཆེན་པོ་བྱ་བཙལ་ལས་འདས་པ་ལ། བཟང་ངན་དང་ཆེ་ཆུང་མེད་དེ་མི་གནས་སོ།། ལུང་ལས་འདས་པའི་ཆོས། སེམས་ལས་འདས་པའི་སངས་རྒྱས།། ཀུན་གཞི་ལས་འདས་པའི་ཆོས།། མ་བསྒོམས་པར
219a3 སངས་རྒྱས་པའི་བལྟ་བ། ཆོས་སྤྱོད་བཅུ་དང་མཚམས་མེད་པ་ལྔའི་སྤྱོད་པ་ལ་ཁྱད་པར་མེད་པ།། མ་མཉན་པར་བཤད་ཤེས་པའི་རྒྱུད།། འདི་ནི་སངས་རྒྱས་ཀྱི་རྒྱུད།། གསང་བ་མན་ངག་ཡང་དག་པར་ཤེས་པར
219a4 བྱའོ།། ཞེས་ཐུགས་ཀྱི་རྒྱུད་དམ་པ་ལས། བྱ་བཙལ་ཐམས་ཅད་ལས་འདས་པར་བསྟན་པའི་ལེའུ་སྟེ་བཞི་པའོ།། །། དེ་ནས་བཅོམ་ལྡན་རྡོ་རྗེ་འཆང་།། སངས་རྒྱས་ཆོས་ལ་མི་གནས་ཏེ།། སེམས་ཅན་རྣམས་ནི
219a5 བལྟ་བ་ཡིན།། མཚོན་པའི་བྱང་ཆུབ་ཆོས་ཡིན་ཀྱང་།། རྫོགས་པའི་བལྟ་བ་ཆོས་མ་ཡིན།། ཐོག་མའི་མགོན་པོ་དྲི་མེད་ཀྱང་།། ཆོས་ལ་བརྟེན་པ་མ་ཡིན་ཏེ།། མ་བསྐྱོད་དབྱིངས་ནས་རང་འབྱུང་བའོ།། དེ་ཕྱིར་ཆོས
219a6 ཀྱིས་སངས་མི་རྒྱ།། ཆོས་ནི་ཚིག་ཕྱིར་འབྲེངས་ཤིང་ཚིག་ལ་དགའ།། རང་བྱུང་ཡེ་ཤེས་ཉིད་ནི་ཚིག་གི་མཐའ་དང་བྲལ།། རིག་པའི་ཡེ་ཤེས་ཆོས་ལ་བརྟེན་མ་ཡིན།། དེ་ཕྱིར་ཡང་དག་དོན་ལ་ཚིག་མེད་ཡི་གེ།
iiif viewer powered by OpenSeadragon
