| e-texts navigator |
| Wylie |
218b1 མེད་སྨྲ་བསམ་འདས་པའི་དབྱིངས།། སྐྱོན་རྣམས་ཀུན་བྲལ་བསྒོམ་དུ་མེད་པའི་མཆོག། མ་བཅོས་ཆོས་སྐུ་ཀུན་གཞིའི་བྱང་ཆུབ་སེམས།། ཐུགས་ཀྱི་རང་བཞིན་མཚོན་པ་ལས་འདས་པས།། ཤེས་པར་བྱ་ཕྱིར་རྣ་བས
218b2 མཉན་དུ་མེད།། དབྱིངས་ནས་ཤར་བས་ལྕེས་ཀྱང་བརྗོད་དུ་མེད།། རང་བྱུང་ཆེན་པོ་ཚིག་གི་མཐའ་དང་བྲལ།། རྟོག་མེད་མཉམ་ཉིད་ཆོས་ཀྱི་སྐུ།། མཛེས་པ་ཀུན་ཏུ་བཟང་པོའི་སྐུ།། བཟུང་བས་མི་ཟིན་ཆུ་ཟླའི
218b3 སྐུ།། ཟབ་མོ་ཨ་ཡི་ཀློང་ནས་འབྱུང་།། བརྗོད་ལས་འདས་པ་ཟབ་མོ་ཨ་ཡི་ཀློང་།། ཨ་ཡི་རང་བཞིན་སྤྲོས་པའི་མཐའ་དང་བྲལ།། རྟོག་མེད་མཉམ་ཉིད་ཆོས་སྐུར་དག་པ་ལ།། ངོ་མཚར་རྨད་བྱུང་རིག་པའི་སྐུར་སྣང
218b4 སྟེ།། མ་གཡོས་དབྱིངས་ཉིད་ཡིན་པས་ཀློང་ནས་འཕྱོ།། ཇི་ལྟར་སྣང་ཡང་མ་བཅོས་སྙིང་པོའི་སྐུ།། ཟབ་མོ་ཨ་ཡི་ཀློང་ཆེན་འདི།། བཙལ་བས་རྙེད་པའི་གནས་མེད་དེ།། དྲུག་གི་ཆོས་བཞིན་ཡུལ་འདོད་ན།། ལོང
218b5 བས་ནམ་མཁའ་འཛིན་པ་བཞིན།། གོང་ནས་གོང་དུ་ས་འཕར་ལམ།། བྱ་བྲལ་ཆོས་དང་མཐུན་པ་མིན།། བགྲོད་དུ་མེད་དོ་ཆོས་སྐུ་བྱང་ཆུབ་སེམས།། བགྲོད་པར་འདོད་ན་ཡེ་ཤེས་མཐའ་ལ་རིང་།། བསོད་ནམས
218b6 ལས་གྲུབ་གླིང་བཞི་རྒྱལ་པོ་དང་།། རྣམ་དཔྱོད་དུས་ལ་ལྟོས་པའི་མུ་སྟེགས་རྣམས།། མ་བཅོས་ཆོས་ཉིད་བྱང་ཆུབ་ལམ་འགགས་པས།། ཆོས་ཉིད་བྱང་ཆུབ་དོན་དང་བྲལ་བས་གོལ།། ཀྱེ་རྡོ་རྗེ་འཛིན་པ་ཉོན་ཅིག།
iiif viewer powered by OpenSeadragon
