| e-texts navigator |
| Wylie |
218a1 འདྲ།། དུས་གསུམ་འཕོ་འགྱུར་མེད་པར་གནས།། ང་ནི་ཉི་མའི་སྙིང་པོ་འདྲ།། སྐུ་གསུམ་འབྲས་བུ་ལྷུན་གྱིས་གྲུབ།། ང་ནི་ཡེ་ནས་སེང་གེ་འདྲ།། རྩལ་གསུམ་ལུས་ལ་རྫོགས་པ་ཡིན།། ང་ནི་བྱ་རྒྱལ
218a2 ཁྱུང་ཆེན་འདྲ།། ལྟ་བ་སྤྱི་རྒྱ་རླབས་ཀྱིས་གཅོད།། ཀྱེ་རྡོ་རྗེ་འཛིན་པ་ཉོན་ཅིག། ཁྱེད་ནི་ད་རུང་འཁོར་བའི་རྒྱུའོ།། ས་ལ་གནས་པའི་བྱང་ཆུབ་སེམས་དཔའ་རྣམས་དང་། ལྷ་རྣམས་ལ་སོགས་པ་ལྟ་ཅི་སྨོས། ཅི་སྟེ།
218a3 རྟོགས་པའི་དོན་ལམ་དུ་འཁྱེར་བའི་ཕྱིར་རོ།། ང་རིག་པ་ཆོས་ཀྱི་སྐུར་རང་བྱུང་གི་ཡེ་ཤེས་ཆེན་པོ་རྟོགས་པ་མངོན་དུ་གྱུར་པ། བྱ་བཙལ་ཐམས་ཅད་དང་བྲལ་བ།། ལུང་ལས་འདས་པ། ཟབ་ཅིང་ཆ་ཕྲ་བས་གཞན
218a4 གྱིས་བརྟགས་པར་དཀའ་བ། ཕྲ་ཞིང་ཟག་པ་མེད་པ། ས་བོན་དང་བྲལ་བ། རྡུལ་མེད་པ་རྡུལ་དང་བྲལ་བ། དྲི་མ་མེད་པ་དང་མ་འདྲེས་པར་གནས་པ། རང་རིག་པའི་ཡེ་ཤེས་ལ་བདག་མེད་པས། བྱ་བ་ཐམས་ཅད
218a5 དང་བྲལ་བའོ།། སྒྲ་བསམ་ཚིག་ལས་འདས་པས་རྡོ་རྗེ་སེམས་དཔའི་ཐུགས།། གསལ་ལ་རང་བཞིན་མེད་པས་གཟུང་འཛིན་གཉིས་དང་བྲལ།། སྐྱེ་འགག་མཐའ་ལས་འདས་པས་ཆོས་ཉིད་བདེ་ཆེན་པོ།། ཇི་བཞིན
218a6 ལྷུན་གྱིས་རྫོགས་པས་ཀུན་ལ་ཁྱབ་པར་གནས།། སྙིང་པོ་རང་ལ་རྫོགས་པས་བསྒོམ་པའི་བློང་ངོ་བྲལ།། སྣང་བར་བྱ་མེད་ཆོས་ཉིད་བདེ་ཆེན་ཀློང་།། ཡོན་ཏན་ལྷུན་རྫོགས་ཡེ་ནས་རྣམ་པར་དག། ཁ་དོག་དབྱིབས
iiif viewer powered by OpenSeadragon
