| e-texts navigator |
| Wylie |
217b1 པོ།། སྣང་ལ་མི་གནས་པ་རྣམས་ནི།། ཡེ་ཤེས་ཀྱི་སྐུ་དྲི་མ་མེད་པའོ།། བཀོད་པ་མེད་པར་མངོན་པར་སྣང་བ་ནི།། དེ་བཞིན་གཤེགས་པའི་སྐུ་དྲི་མ་མེད་པ་ཆུ་ཟླ་ལྟ་བུར་སྣང་བའོ།། མ་བཀོད་པ་མཐའ་དང་དབུས
217b2 མེད། ཕྱོགས་དང་རིས་མེད། མཐོ་དམན་དང་ཡངས་དོག་མེད་པར་སྣང་བ་ནི། སངས་རྒྱས་ཀྱི་ཞིང་ཡོངས་སུ་དག་པའོ།། འདོད་པའི་མཐའ་ཐམས་ཅད་དང་བྲལ་བ་ནི།། ཏིང་ངེ་འཛིན་རྩེ་གཅིག་པའི་ཟས་སོ།། ཡེ
217b3 ཤེས་ཀྱི་སྐུ་དྲི་མ་མེད་པ་དང་སངས་རྒྱས་ཀྱི་ཞིང་ཡོངས་སུ་དག་པ་གཉིས་དུས་གསུམ་དུ་འདུ་འབྲལ་མེད་པར་བཞུགས་པ་ནི། གྲོགས་ཁྱད་པར་ཅན་ནོ།། ཚིག་དང་ཡི་གེའི་དོན་ལ་མི་གནས་པར་གཞིའི་འདུག་ཚུལ
217b4 ཤེས་བྱ་གཏན་ལ་ཕེབས་ནས། དགོངས་པའི་ལ་དོར།། དོན་ཀློང་དུ་འདྲིལ།། རེ་དོགས་ཀྱི་འཕྲང་བཅད།། བདག་ཉིད་ཆེན་པོ་དེ་ཁོ་ན་ཉིད་དོ།། ཞེས་ཐུགས་ཀྱི་རྒྱུད་དམ་པ་ལས།། རྟོགས་པ་རྒྱུད་ལ་བཞག་པའི་ལེའུ
217b5 སྟེ་གསུམ་པའོ།། །། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོ།། ཆོས་ཉིད་གསལ་བའི་ཏིང་ངེ་འཛིན་ལས་བཞེངས་ནས། སྐུ་མི་གནས་པའི་ཀློང་ཆེན་པོར་བསྟིམས་ཏེ། ཀྱེ་འདུས་པའི་ཚོགས་རྣམས་པ་ལ
217b6 ཉོན།། ང་ནི་ཡེ་ནས་ནམ་མཁའ་འདྲ།། ནམ་མཁའི་རང་བཞིན་དངོས་པོ་མེད།། སྒྲིབ་གཡོགས་རབ་ཏུ་མི་གནས་པའོ།། ང་ནི་ཡེ་ནས་རྒྱ་མཚོ་འདྲ།། སྲིད་པའི་གཡོ་འགུལ་ཡེ་ནས་མེད།། ང་ནི་ཡེ་ནས་རི་བོ
iiif viewer powered by OpenSeadragon
