| e-texts navigator |
| Wylie |
217a1 མེད།། མི་གནས་མྱ་ངན་འདས་པ་པོ།། རྟོགས་པའི་ཀློང་དུ་སུས་དྲིས་པ།། ཡེ་ཤེས་དྲི་མ་མེད་པ་ཡིན།། ལུང་དུ་བསྟན་པ་བདེ་གནས་པ།། གོལ་སྒྲིབ་གདར་ཤ་ཆོད་པ་ཡིན།། ཆོས་ལ་བློ་ནི་མི་གནས
217a2 ན།། རྟག་ཆད་ཚིག་ལས་འདས་པ་ཡིན།། ཡེ་ཤེས་སྒྱུ་མར་སྣང་བའི་སངས་རྒྱས་དང་།། ལོག་རྟོག་སྒྱུ་མར་སྣང་བའི་སེམས་ཅན་གཉིས།། སྒྱུ་མ་ཡིན་ཕྱིར་རང་བཞིན་རྣམ་པར་དག། མ་བྱུང་མ་སྐྱེས་འོད་ཀྱི་དཀྱིལ
217a3 འཁོར་ལ།། བཀོད་པ་ལྷ་ཡི་དཀྱིལ་འཁོར་རྩོལ་མི་དགོས།། རང་བཞིན་རྣམ་པར་དག་པའི་ཆོས་སྐུ་ལ།། ཁྲུས་དང་གཙང་སྦྲ་མེ་ཏོག་བྱུག་མི་དགོས།། མཁའ་ལ་ཉི་མའི་སྙིང་པོ་བརྡལ་བ་ལ།། འོད་དང་སྣང་བ་ཀུན་ཏུ
217a4 བཙལ་མི་དགོས།། ཤེས་རབ་རིག་པ་གཞི་ལས་ཤར་བ་ལ།། རྣ་བས་མཉན་ཅིང་ཚིག་ཕྱིར་འབྲངས་མི་དགོས།། ནོར་བུ་རིན་ཆེན་རང་ལ་ཡོད་བཞིན་དུ།། གཞན་ལ་བརྟེན་ནས་བཙལ་བས་ཆོས་ཉིད་དོན་མི
217a5 རྙེད།། རྙོག་པ་མེད་པའི་ཆོས་སྐུ་ལ།། བཀྲུས་པས་མི་འདག་ནམ་མཁའ་འདྲ།། སྐྱེ་དང་བྲལ་བའི་སྙིང་པོ་ལ།། བྱང་ཆུབ་འབྲས་བུ་ཡོངས་ཀྱིས་མེད།། རྡོ་རྗེ་སེམས་དཔའ་བྱང་ཆུབ་ནི།། རང་གི་རིག་པ་ཆེན་པོས
217a6 མཁྱེན།། རང་རིག་དུ་མར་མི་སྣང་བས།། སོ་སོར་བསྟན་ཀྱང་གཅིག་གི་དང་།། བདེ་གཤེགས་སྐུ་རྣམས་དུ་མར་སྣང་།། ཡེ་ཤེས་ལྔ་ཡི་བདག་ཉིད་སྣང་།། ཉི་མའི་སྙིང་པོ་ཇི་བཞིན་ནོ།། ཀྱེ་རྡོ་རྗེ་འཛིན་པ་ཆེན
iiif viewer powered by OpenSeadragon
