| e-texts navigator |
| Wylie |
214b1 ལས་བྱུང་།། ཐ་མ་རྒྱུ་མེད་དབྱིངས་སུ་ཐིམ།། ཀྱེ་རྡོ་རྗེ་འཛིན་པ་ཉོན་ཅིག། ཉོན་མོངས་ལྔ་དང་མཚམས་མེད་ལྔ།། ལམ་གྱི་དགྲ་སྟེ་ལམ་གྱི་མཆོག། ང་ནི་སངས་རྒྱས་ཀུན་གྱི་སྐུ།། ང་ནི་སེམས་ཅན་ཀུན་གྱི་དུར།། ང་ནི
214b2 ནད་རྣམས་ཀུན་གྱི་སྨན།། ཤེལ་ལྟར་དྲི་མེད་ཡེ་ཤེས་སྐུ།། གཞི་ལ་དངོས་མེད་ནམ་མཁའ་འདྲ།། འགག་མེད་ཡེ་ཤེས་འོད་ཀྱི་སྐུ།། ཆུ་ཟླ་ལྟ་བུར་རང་བཞིན་མེད།། རང་བྱུང་ཡེ་ཤེས་འགག་མེད་གསུང་།། བྲག་ཆ་ལྟ
214b3 བུར་རང་བཞིན་མེད།། མི་འགྱུར་རྡོ་རྗེ་ལྟ་བུའི་ཐུགས།། ཉི་མ་ལྟ་བུར་སྒྲིབ་པ་མེད།། ཅེས་པ་རིན་པོ་ཆེ་སྤུངས་པའི་རྒྱན་ཞེས་བྱ་བ། ཐུགས་ཀྱི་རྒྱུད་དམ་པ་ལས། གཞིའི་འདུག་ཚུལ་བསྟན་པའི་ལེའུ་སྟེ་དང
214b4 པོའོ།། །། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོ། ཆོས་ཉིད་མཉམ་པའི་ཏིང་ངེ་འཛིན་ལས་བཞེངས་ནས། ཐུགས་མི་གནས་པའི་ཀློང་ནས། གསང་བའི་དཀྱིལ་འཁོར་ཆེན་པོ་ཞལ་ཕྱེ་ནས། ཉིད་ལས་མི
214b5 གཞན་པའི་འཁོར་རྣམས་ལ་བཀའ་སྩལ་པ། ཀྱེ་འདུས་པའི་ཚོགས་རྣམས་པ་ལ་ཉོན།། ང་མེད་གཞན་མེད་ངོ་བོ་ཉིད་ཀྱི་སྐུ།། ཡེ་ཤེས་དཀྱིལ་འཁོར་དང་བྱུང་ལ།། གདོད་ནས་མ་བྱས་རང་བྱུང་བ།། བླ་མེད་ལྷན
214b6 རྫོགས་སྐུ་ལྔའི་བདག། སྨྲ་བསམ་བརྗོད་མེད་མྱ་ངན་འདས།། མི་གནས་ཤེས་རབ་ཕ་རོལ་ཕྱིན།། རང་བྱུང་ཡེ་ཤེས་ལྔར་སྣང་བ།། འདུ་འབྲལ་མེད་པའི་སྐུ་ལྔ་འགྲུབ།། རིགས་ཀྱི་གཙོ་བོ་ལྔར་སྣང་བ།། མཚན་བཟང
iiif viewer powered by OpenSeadragon
