| e-texts navigator |
| Wylie |
214a1 གདན་ལ་ཡང་དག་བརྟེན།། ཀྱེ་རྡོ་རྗེ་འཛིན་པ་ཉོན་ཅིག། ཆོས་ཀྱི་སྐུ་བདེ་བ་ཆེན་པོའི་དོན་འདི་ནི།། ཀུན་གྱིས་རིག་པ་མ་ཡིན་ཏེ།། ལྷ་ལ་སོགས་ཏེ་འགྲོ་བ་རྣམས།། བྱང་ཆུབ་སེམས་དཔའ་མི་རིག
214a2 སྟེ།། ཆོས་པ་རྣམས་ཀྱི་དོན་མི་རྙེད།། སངས་རྒྱས་ལམ་ལ་མི་གནས་ཏེ།། ལམ་ལ་བགྲོད་པ་རྩོལ་བའི་ནད།། སངས་རྒྱས་ཉིད་ལ་འབྲས་བུ་མེད།། འབྲས་བུ་གྲུབ་པར་འདོད་པ་ཡི།། བྱང་ཆུབ་སེམས་དཔས་དོན་མི
214a3 རྙེད།། དེ་ཕྱིར་མགོན་པོ་དྲི་མེད་ངས།། ཐུགས་ཀྱི་དཀྱིལ་འཁོར་རང་བྱུང་བ།། ཡེ་ཤེས་ལྷུན་རྫོགས་མེ་ལོང་བཞིན།། ང་ནི་དུས་གསུམ་རྟག་པར་བཞུགས།། སངས་རྒྱས་ཀུན་གྱི་ཡེ་ཤེས་སྐུ།། དྲི་མེད་རང་བྱུང་འོད
214a4 གསལ་བ།། དུས་གསུམ་གཅིག་སྟེ་རྟག་པར་བཞུགས།། རང་ལས་འབྱུང་བའི་ཡེ་ཤེས་ལྔ།། གསང་བའི་དཀྱིལ་འཁོར་ཐུགས་ཀྱི་མཆོག། མཚན་ཉིད་མེ་ཆུ་ས་རླུང་ལྔ།། རང་ལས་བྱུང་བའི་ཆོས་ཉིད་དེ།། ལས་ལ་མ
214a5 རྨོངས་ཐབས་ཀྱི་ཞིང་།། བྱེད་པ་པོ་ཉིད་རྡོ་རྗེ་སྟེ།། སྐྱེ་འགག་མེད་པའི་ཡེ་ཤེས་འདི།། རང་བཞིན་ནམ་མཁར་འོད་གསལ་བ།། གཞི་ལས་བྱུང་བའི་ཡེ་ཤེས་ཏེ།། དང་པོ་རྒྱུ་མེད་དབྱིངས་ལས་ཤར།། ཐ་མ་རྐྱེན་མེད
214a6 བདེ་བའི་ངང་།། འབྱུང་བ་ས་ཆུ་མེ་རླུང་ཀྱང་།། བདག་ཉིད་ཆེན་པོའི་དེ་བཞིན་ཉིད།། འགྲོ་བའི་རྒྱུད་དྲུག་སྣང་བ་ཡང་།། དག་པའི་ཡེ་ཤེས་རྒྱུ་ཡི་དང་།། ཕྱི་ནང་སྣོད་བཅུད་མ་ལུས་ཀུན།། དང་པོ་རྒྱུ་མེད་དབྱིངས
iiif viewer powered by OpenSeadragon
