| e-texts navigator |
| Wylie |
20b1 ཅད་འགྲུབ་པ་ཡིན།། གསང་བ་དག་ལ་འཇུག་པ་ན།། འདོད་པའི་དགའ་བ་མ་ཡིན་ཏེ།། ཏིང་ངེ་འཛིན་ལས་སྐྱེས་པ་ཡིས།། དགའ་བ་དག་ནི་བླང་བར་བྱ།། དེ་ནི་དགའ་བ་ཆེན་པོ་སྟེ།། ཡང་དག་བདེ་བ་ཆེན་པོ
20b2 ཡིན།། ཆེ་བའི་ཡེ་ཤེས་རྙེད་དཀའ་བ།། ཤེས་རབ་ཐབས་ལ་བརྟེན་ནས་འགྲུབ།། ཤེས་རབ་ཐབས་ཀྱི་ཕྱག་རྒྱ་ལས།། བདེ་བའི་རོལ་མོ་རྣམ་འཕྲོ་བ།། འོད་ཟེར་ལྕགས་ཀྱུས་དྲངས་པ་རྣམས།། རིམ་པ་རིམ་པ་མ་ཡིན།
20b3 པས།། སྙིང་གའི་པདྨར་ཡང་དག་གཞུག། ཡང་དག་མཱཾ་ནི་དྲི་མེད་དཀར།། ཙ་ན་ཀ་ཡི་འབྲུ་ཙམ་ལ།། འོད་ཟེར་སྤྲོ་བསྡུའི་སྦྱོར་བ་ཡི།། དབང་པོ་ལ་སོགས་གཡོ་བ་ཀུན།། དྲི་མེད་ནང་དུ་ངེས་སྦྱར་ནས།། ཐུགས་ཀྱི་ཡེ
20b4 ཤེས་ལྔས་བལྟ་ཞིང་།། ཡང་དག་དྲི་མ་མེད་མཐོང་ན།། དེ་བཞིན་གཤེགས་པས་དེ་བཞིན་གཤེགས།། དེ་བཞིན་གཤེགས་པ་ཐམས་ཅད་ལ།། དྲི་མེད་འདི་ལས་གཞན་མི་མངའ།། འདས་དང་ད་ལྟར་འབྱུང་བ
20b5 ཀུན།། འདི་ཡིས་ལྷུན་གྱིས་གྲུབ་པར་འགྱུར།། དེ་བཞིན་གཤེགས་པ་ཐམས་ཅད་ཀྱི།། སྔགས་ཀྱི་སྙིང་པོ་ཀུན་བསྡུས་པ།། ཨོཾ་ཧཱུཾ་སྭཱ་དང་ཨཱཾ་ཧཱ་སྟེ།། གནས་ལྔ་དག་ཏུ་རྣམས་བཀོད་ནས།། འོད་ཟེར་ལྕགས་ཀྱུས་དྲངས
20b6 ནས་སུ།། ཡེ་ཤེས་རྣམས་ཀྱིས་གཟུགས་སུ་བསྒྱུར།། དཀྱིལ་འཁོར་ལ་ནི་དཀྱིལ་འཁོར་ཐིམ།། ཐམས་ཅད་རྫོགས་པའི་དཀྱིལ་འཁོར་ལ།། ཏིང་ངེ་འཛིན་གྱི་མཆོད་པ་འབུལ།། མཉེས་ནས་དགྱེས་པའི་ཚུལ་འཆང
iiif viewer powered by OpenSeadragon
