| e-texts navigator |
| Wylie |
207a1 དང་བཅས་པ་ལས།། འབྲས་བུ་ཡོན་ཏན་བཅས་པ་བྱུང་།། ཞེས་སོ།། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་གསང་སྔགས་ལམ་མཆོག་འདུས་པ་ཞེས་བྱ་བའི་རྒྱུད་ལས།།
207a2 གསང་སྔགས་མཐའ་དྲུག་ཡེ་ཤེས་རོལ་པར་བསྟན་པའི་ལེའུ་སྟེ་བཞི་པའོ།། །། དེ་ནས་ཡང་དཔལ་རྡོ་རྗེ་སེམས་དཔས་གསོལ་པ། ཀྱེ་བཅོམ་ལྡན་འདས་གསང་བའི་བདག་པོ། མ་ཧཱ་ཡོ་ག་དང་།། ཨ་ནུ་ཡོ་ག
207a3 དང་། ཨ་ཏི་ཡོ་ག་གསུམ་དབྱེར་མེད་པ་གཅིག་ཏུ་གསུངས་པའི་རྒྱུད་སྡེ་དེ་ཉིད་རྣམས་ནི། དཔལ་རྡོ་རྗེ་འཆང་གིས་བདག་ཅག་རྣམས་ལ་གསུངས་པ་ནི་ངོ་མཚར་ཆེའོ།། དེས་ན་རྒྱུད་འདི་གནས་ཤིང་སྤྱོད་པའི་དོན
207a4 བཤད་དུ་གསོལ། ཞེས་གསོལ་པས། བཅོམ་ལྡན་འདས་དཔལ་ཀུན་ཏུ་བཟང་པོ་ངོ་བོ་ཉིད་ཀྱི་སྐུ་དེས་བཀའ་སྩལ་པ། རྡོ་རྗེ་སེམས་དཔའ་ལ་སོགས་པ་རྣམས་ཉོན་ཅིག། ཨ་ཏི་ཡོ་གའི་རྒྱུད་འདི་ཉིད་ལ་སོགས་པ
207a5 རྣམས་ནི། འོག་མིན་གྱི་གནས་ཡུམ་གྱི་མཁའ་ཉིད་དུ། ང་ཉིད་ཀྱིས་ཁྱེད་འདུས་པའི་འཁོར་རྣམས་ལ་བཤད་དེ། སྡུད་པ་པོ་ནི་འཇམ་དཔལ་དང་། སྤྱན་རས་གཟིགས་དང་། ཕྱག་ན་རྡོ་རྗེས་བསྡུས་ཏེ། ལྷ་གནས
207a6 གསུམ་དུ་གྲགས་ཏེ། དེ་ནས་གསེར་གྱི་གླེགས་བམ་ལ། བཻ་ཌཱུརྱ་ཞུན་མས་རང་ནན་དུ་བྲིས་ཏེ། འཛམ་བུའི་གླིང་དུ་ལྷོ་ཕྱོགས་སུ་སྤྲུལ་པའི་སངས་རྒྱས་འབྱོན་པའི་གནས། རྡོ་རྗེ་གདན་དུ་བབས་ནས་སྤྱོད་པར་འགྱུར
iiif viewer powered by OpenSeadragon
