| e-texts navigator |
| Wylie |
206a1 རིམ་བསོད་ནམས་ཚོགས་ཉིད་ལས།། འབྲས་བུ་གཟུགས་སྐུ་འབྱུང་བར་འགྱུར།། དེ་མེད་སྐུ་དང་ཞིང་ཁམས་སུ།། གདུལ་བྱའི་སྣང་བ་འབྱུང་མི་འགྱུར།། རྫོགས་རིམ་ཡེ་ཤེས་ཚོགས་ལས་ནི།། འབྲས
206a2 བུ་ཆོས་སྐུ་འབྱུང་བར་འགྱུར།། དེ་མེད་སངས་རྒྱས་དངོས་འཛིན་འགྱུར།། དེ་ལྟར་ཟུང་འཇུག་ལམ་མེད་ན།། མཐར་ཟུག་འབྲས་བུ་འབྱུང་མི་འགྱུར།། འབྱུང་ན་མི་སྲིད་གཞུང་དང་འགལ།། གཞན་དུ་རེ་ཞིག་ཕྱོགས་རེ།
206a3 ལ།། སངས་རྒྱས་ཞེས་སུ་བརྟགས་པར་ཟད།། གསང་སྔགས་མཐའ་དྲུག་ལྡན་བྱས་ནས།། ཡོ་བྱད་གཉིས་ལ་ལོངས་སྤྱོད་པས།། རྣལ་འབྱོར་དབང་ཕྱུག་དམ་པ་དེ།། རྡོ་རྗེ་སེམས་དཔའི་གྲལ་དུ་ཕྱིན།། ཚེ་འདི་ཉིད
206a4 དམ་པར་མ་དོར།། སྐུ་དང་ཡེ་ཤེས་འཐོབ་པར་འགྱུར།། གལ་ཏེ་རྩོལ་ཞེན་མ་ཉམས་ན།། སྐྱེ་བ་ལན་གྲངས་འགའ་ཡིས་འཐོབ།། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པ། གསང་སྔགས་ལམ
206a5 མཆོག་འདུས་པའི་རྒྱུད་ལས། རྡོ་རྗེ་ཐེག་པའི་ལམ་གྱི་ཁྱད་པར་གྱི་འབྲས་བུ་ཐོབ་པའི་ལེའུ་སྟེ་གསུམ་པའོ།། །། དེ་ནས་ཡང་དཔལ་རྡོ་རྗེ་སེམས་དཔས་གསོལ་པ། ཀྱེ་མ་བཅོམ་ལྡན་ཀུན་བཟང་པོ།། རྫོགས་པ
206a6 ཆེན་པོའི་རོལ་པ་ལ།། གསང་སྔགས་མཐའ་དྲུག་གསུངས་པ་དེ།། དོན་ཉིད་རིམ་པར་བཤད་དུ་གསོལ།། ཞེས་གསོལ་པས། ཀུན་ཏུ་བཟང་པོ་རྒྱལ་བས་བཀའ་སྩལ་པ།། གསང་སྔགས་མཐའ་དྲུག་གསུངས་པ
iiif viewer powered by OpenSeadragon
