| e-texts navigator |
| Wylie |
205b1 ཉིད།། ཐེག་པ་ཀུན་གྱི་ལ་བཟླའ་ཡིན།། ཁྱད་པར་མ་ཧཱ་ཡོ་ག་དང་།། ཨ་ནུ་ཡོ་གར་གསུངས་པ་ཡི།། རྫོགས་པའི་རིམ་པར་བསྟན་པ་ཡིན།། ཞེས་གསུངས་སོ།། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར
205b2 སྟོན་པ་གསང་སྔགས་ལམ་མཆོག་འདུས་པའི་རྒྱུད་ལས། རྫོགས་པ་ཆེན་པོའི་དོན་ཉིད་བསྟན་པའི་ལེའུ་སྟེ་གཉིས་པའོ།། །། དེ་ནས་ཡང་དཔལ་རྡོ་རྗེ་སེམས་དཔས་གསོལ་པ།། ཀྱེ་ཀྱེ་ཀུན་བཟང་བཅོམ་ལྡན
205b3 འདས།། རྫོགས་པ་ཆེན་པོའི་རྣལ་འབྱོར་པས།། ལམ་གྱི་ཁྱད་པར་ཅི་ལྟ་བུས།། འབྲས་བུ་ཐོབ་ཚུལ་བཤད་དུ་གསོལ།། ཞེས་གསོལ་པས། དཔལ་ཀུན་ཏུ་བཟང་པོ་ཉིད་ཀྱིས་བཀའ་སྩལ་པ།། སྡེ་སྣོད་གསུམ་གྱིས
205b4 བསྐལ་པ་ནི།། གྲངས་མེད་འབད་ཀྱང་རྙེད་དཀའ་བ།། བཞི་པ་རྡོ་རྗེའི་སྡེ་སྣོད་འདིས།། བགྲོད་པ་མེད་པར་སངས་རྒྱས་ཐོབ།། གསང་སྔགས་རྡོ་རྗེའི་འབྲས་བུའི་ལམ།། ལམ་འབྲས་དབྱེར་མེད་འབྲས་བུའི
205b5 ལམ།། ཀྲི་ཡ་ཡོ་ག་ཨུ་པ་ཡང་།། ལྟ་བ་སྤྱོད་པ་ཕྱིར་གྱུར་ཏེ།། མཚན་ཉིད་གང་ལས་འཕགས་མ་ནུས།། ལྷ་དང་སྔགས་ཀྱིས་རེ་ཞིག་འཕགས།། ལྷ་སྤྱོད་ནང་དུ་གྱུར་པས་ན།། རྩ་རླུང་ཐིག་ལེ་དབང་ལ་རྫོགས།། གསང
205b6 སྔགས་ནང་པ་ཁྱད་པར་ཆེ།། མ་ཧཱ་ཡོ་ག་བསྐྱེད་པའི་ཚུལ།། ཨ་ནུ་ཡོ་ག་རྫོགས་པའི་ཚུལ།། ཨ་ཏི་ཡོ་ག་ལ་བཟླའི་ཚུལ།། ཚུལ་གསུམ་དབྱེར་མེད་གཅིག་གི་དང་།། བསྐྱེད་དང་རྫོགས་པ་ཟུང་འཇུག་ཉིད།། བསྐྱེད
iiif viewer powered by OpenSeadragon
