| e-texts navigator |
| Wylie |
205a1 རྒྱ་གར་སྐད་དུ། མ་ཧཱ་སནྟི་ས་མནྟ་བྷ་དྲ་ཛྙཱ་ན་པྲ་ཀྲཱ་ཤ་ནི་རྡིཥྛ་མནྟ་སུ་པ་ཟས་མུ་དཱ་ཡ་ཏནྟྲ་ནཱ་མ། བོད་སྐད་དུ། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པ།། གསང་སྔགས་ཀྱི་ལམ
205a2 མཆོག་འདུས་པའི་རྒྱུད་ཅེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་སྐུ་དབྱེར་མེད་ངང་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དཔལ་རྡོ་རྗེ་འཆང་གི་སངས
205a3 རྒྱས་དཔལ་ཀུན་ཏུ་བཟང་པོ་སྐུ་དང་ཡེ་ཤེས་དབྱེར་མེད་པ་ཉིད། ཆོས་ཉིད་ཡུམ་གྱི་བྷ་ག་ལ་བཞུགས་ཏེ། རིག་ལྔའི་སངས་རྒྱས་ལ་སོགས་ཏེ། འཁོར་རྣམས་དང་ཐབས་ཅིག་ཏུ། རིག་པ་སྟོང་གསལ་བདེ་བ་ཆེན་པོའི
205a4 ཏིང་ངེ་འཛིན་ལ་སྙོམས་པར་ཞུགས་སོ།། རྫོགས་པ་ཆེན་པོ་ཡེ་ཤེས་གསལ་བར་སྟོན་པ་གསང་སྔགས་ལམ་མཆོག་འདུས་པའི་རྒྱུད་ལས་གླེང་གཞིའི་ལེའུ་སྟེ་དང་པོའོ།། ། དེ་ནས་དཔལ་རྡོ་རྗེ་སེམས་དཔས་བཅོམ
205a5 ལྡན་འདས་ལ་གསོལ་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སྐུ་དང་ཡེ་ཤེས་ཐམས་ཅད་མཁྱེན།། གསང་སྔགས་རྫོགས་ཆེན་དོན་ཉིད་དེ།། བདག་ཅག་རྣམས་ལ་བཤད་དུ་གསོལ།། ཞེས་གསོལ་པས། བཅོམ་ལྡན
205a6 འདས་དཔལ་ཀུན་ཏུ་བཟང་པོས་བཀའ་སྩལ་པ། རྫོགས་པ་ཆེན་པོའི་དོན་ཉིད་ནི།། བལྟ་བ་ཕུལ་བྱུང་ངོ་མཚར་ཆེ།། ཐེག་པ་ཀུན་གྱི་དངོས་གཞིར་ཤར།། ཐེག་བརྒྱད་ལྟ་བ་མ་སྤངས་ན།། ཀུན་ཀྱང་མཐའ་ལ་ལྷུང་བ
iiif viewer powered by OpenSeadragon
