| e-texts navigator |
| Wylie |
203a1 དོ།། སྐད་ཅིག་ཙམ་དུ་དད་པའི་ཤུགས་སྐྱེས་དེ་ཡང་མྱུར་དུ་འཇམ་དཔལ་གཞོན་ནུར་འགྱུར།། དཀྱིལ་འཁོར་གསང་བར་ཞུགས་ཤིང་ཐེག་ཆེན་བྱང་ཆུབ་མཆོག་ཀྱང་གསུངས་པ་ཡིན།། ཚུལ་ཁྲིམས
203a2 སྡོམ་པ་ཀུན་ཀྱང་བསྲུངས་ཤིང་སྦྱིན་གནས་དམ་པར་རབ་ཏུ་བསྔགས།། དེ་ཕྱིར་བྱང་ཆུབ་སེམས་ཀྱི་བསོད་ནམས་དེ་ལ་གཟུགས་ཡོད་ན།། ནམ་མཁའ་བར་སྣང་དེ་ཡང་སྣོད་དུ་ཆུང་ཞེས་རྒྱལ་བས་མཚུངས་པར
203a3 གསུངས།། ཡང་དག་བདེ་གཤེགས་མ་ལུས་བྱང་ཆུབ་སེམས་ལ་གནས།། བྱང་ཆུབ་སེམས་དང་ལམ་དུ་མ་མཚུངས་ཆོས་གང་མེད།། རྒྱལ་བས་སེམས་ཀྱི་དངོས་གཞི་ཕྲ་བ་མཐོང་བས་རྒྱས།། བདུད་དང་དེས་ཟིན
203a4 ཟིལ་གྱིས་གནོན་པ་དེ་ཡང་དབྱིངས་ཀྱི་ངང་།། འདི་ལ་སྐྱེ་དང་འགག་པ་མེད་དེ་འདུ་འབྲལ་ཅི་ཡང་མེད།། ཡེ་ཤེས་དབྱིངས་མེད་མྱ་ངན་འདས་པའང་ཡིན།། ཆོས་ཞེས་མིང་དུ་གདགས་སུ་དགོས་འབྲེལ་ཐམས་ཅད
203a5 རྫོགས།། མཚན་མ་རབ་ཞི་མཚན་མ་མེད་པ་མེད་པའང་མེད།། རབ་ཞི་མེད་པའི་མེད་པའང་མེད་ལས་འདས་པ་སྟེ།། གཞན་ལ་སྤྱོད་ལས་འདས་པས་འདས་ལས་འཕགས།། སྟོང་པ་མི་དམིགས་རང་བཞིན་མེད་དང
203a6 ཇི་ལྟར་དེ་བཞིན་ཉིད།། གདགས་པའི་བསྒྲུབ་པ་བྱེད་པའི་ལམ་སྟེ་འཇུག་པའི་གནས།། འདི་ལ་འཇུག་དང་ཞུགས་དང་མ་ཞུགས་ཡེ་རྒྱ་ཆད་པས་ཐེག་པའི་བླ།། སྤྱོད་མེད་ཚིག་ལས་འདས་པས་ཀུན་ལ་ཁྱབ་ཕྱིར་རྒྱ
iiif viewer powered by OpenSeadragon
