| e-texts navigator |
| Wylie |
202a1 དོ།། ལྡང་དང་མི་ལྡང་ཆེད་དུ་མི་སྤང་སེམས་རྟེན་མི་འཆའ་མངོན་དུ་མིན།། འཇམ་དཔལ་མ་ཡིན་རྡུལ་ཙམ་གཡོ་བ་དེ་ཉིད་དེ་ཡིན་དེར་མི་གནས།། བསྒོམ་པའི་ས་མི་རྙེད་ཕྱིར་བསྒོམས་པས་རྙེད་པར
202a2 མི་འགྱུར་ཏེ།། རྣམ་བྲལ་གང་ལའང་མཆོག་དང་ཐ་མ་མེད་པར་ལམ་མཆོག་འདི་བསྒོམ་མོ།། བྱ་བྱེད་བྱ་བྲལ་ཡེ་ནས་དེ་བཞིན་ཉིད་འདི་དེ་བཞིན་རང་བཞིན་གནས།། དེ་ལ་འཁོར་བ་མྱ་ངན་འདས་མེད་གང་ལའང
202a3 མེད་མིན་ཐམས་ཅད་ལྡན།། བྱང་ཆུབ་ཀྱི་སེམས་སྒོམ་པའི་རྒྱུད་ལས། རྫོགས་པ་ཆེན་པོ་མདོར་བསྡུས་ཏེ་སྒོམ་པའི་ལམ་གྱི་མཆོག་གི་ལེའུ་སྟེ་དགུ་པའོ།། །། དེ་ནས་ཡང་བདེ་བ་ཆེན་པོས། རང་བཞིན་གྱིས་ཉིད
202a4 ལ་ཉིད་ཀྱིས་ཆེད་དུ་བརྗོད་པ་འདི་ཆེད་དུ་བརྗོད་དོ།། འདུ་བྱེད་མ་སྐྱེས་ཆོས་ཀུན་འབྱུང་མེད་ཤིན་ཏུ་ཆོས་རྣམས་མྱ་ངན་འདས།། དངོས་མེད་དེ་ཚེ་ཀུན་ཀྱང་ཆོས་ཀྱི་དབྱིངས་ཞེས་དགྲ་བཅོམ་རབ་འབྱོར་ཡིན།། ནམ
202a5 མཁའ་མི་དམིགས་མིང་ཙམ་དགེ་དང་མི་དགེར་དབྱེ་བ་མེད།། རྩོལ་བར་ཡིད་ལ་མི་བྱེད་གང་ལ་སེམས་མེད་ཤེས་དང་མི་ཤེས་བྲལ།། དྲན་དང་འབྱེད་མེད་སྤང་ལེན་གང་ལའང་དགའ་དང་མཚུངས་མེད་མི་དམིགས
202a6 ཤིང་།། མཉམ་གནས་གཉིས་སུ་བརྟག་མེད་བརྗོད་བྲལ་བྱ་དང་མི་བྱ་མེད་དེ་སོགས་བྲི་མེད།། ཆེད་དུ་རྩོལ་བར་ཡིད་ལ་མི་བྱེད་ཅིས་ཀྱང་མི་འཁྲུགས་མཉམ་ཤེས་དང་།། གང་ལའང་ཆགས་དང་ཡུལ་གྱིས་མྱོས་སྐྲག
iiif viewer powered by OpenSeadragon
