| e-texts navigator |
| Wylie |
200b1 གསུམ་རྒྱལ་བའི་སངས་རྒྱས་རྡུལ་སྙེད་གནས།། སངས་རྒྱས་བགྲོད་ཕྱིར་རྩོལ་བའི་ལམ་ཀུན་བོར་ནས་གདོད་སངས་རྒྱས།། རྩོལ་བགྲོད་ལམ་ལ་གནས་ཚེ་འཕགས་པའི་སར་ཚུད་ཙམ།། དེ་ཕྱིར་ཉེ་ལམ་བདེ་རྫོགས
200b2 སྐུ་གསུམ་རྡོ་རྗེ་འཆང་བའི་ས་ཞེས་སྙིང་པོ་འདི་ལ་བྱ།། མ་བགྲོད་གནས་སུ་ཕྱིན་པ་རང་རྒྱུད་དག་པས་ཕྱིན་པའི་ས་ཡང་ཡིན། ཕྱི་ནང་སེམས་ཀྱི་སྤྱོད་ཡུལ་བག་ཆགས་རྒྱུན་དང་བཅས་པར་བལྟ་བ་སེམས་ཙམ
200b3 ཡིན།། སེམས་རྒྱུན་བག་ཆགས་རྟོག་པ་དེ་ལ་སྙིང་པོ་འདི་ཉིད་མེད།། དེ་ཕྱིར་ཡུལ་དང་ལུས་སུ་བལྟ་བ་དེ་ཉིད་རྟོགས་པའི་རྒྱུན་ཉིད་དོ།། མི་བསྒོམ་མི་བསྒྲུབ་མི་བསྲུང་དེ་བཞིན་ཉིད་ལ་རང་བློ་དེ་བཞིན་བཞག། དེ
200b4 ལ་བཞག་ས་འགྲོ་ས་འདུག་ས་ཀུན་གྱིས་བགྲོད་སར་ཕྱིན་པ་ཡིན་པས་ཉེ་ལམ་མོ།། བྱང་ཆུབ་ཀྱི་སེམས་སྒོམ་པའི་རྒྱུད་ལས། སེམས་ཙམ་གྱི་ལྟ་བ་འབྲས་བུ་ཡོན་ཏན་དང་བཅས་པ་ཨ་ཏིར་ལ་བཟླ་བའི་ལེའུ་སྟེ་བདུན
200b5 པའོ།། །། དེ་ནས་བཅོམ་ལྡན་འདས་གཉིས་སུ་མེད་པའི་བདེ་བ་ཆེན་པོས་ཡང་དག་པ་མ་གྲུབ་པས་དེའི་རྫུ་འཕྲུལ་འཁྲུལ་པ་རྣམས་ལ་སྣང་བར་བསྟན་པ་འདི་ཉིད་ལ་ཉིད་ཀྱིས་ཆེད་དུ་བརྗོད་དོ།། བདེ
200b6 གཤེགས་བྱང་ཆུབ་མེད་ཕྱིར་དེ་ཡི་རྫུ་འཕྲུལ་སྒྱུ་འདྲ་འཁྲུལ་ལ་སྣང་།། དེ་བཞིན་གཤེགས་པའི་ཡེ་ཤེས་དེ་ཉིད་ཤིན་ཏུ་དགེ་བའི་རྒྱུད་ཉིད་དང་།། ཆོས་ཀྱི་དབྱིངས་ཉིད་ལ་ནི་དེ་དག་དམིགས་ཤིང་སྐྱེ་བར་བརྟགས་པ
iiif viewer powered by OpenSeadragon
