| e-texts navigator |
| Wylie |
200a1 ལས་ཐམས་ཅད་སྣང་བས་ཀུན་གཞི་ཡིན།། སེམས་ཀྱི་གཏིང་འདི་མཐོང་ན་སེམས་ལས་མ་གཏོགས་ཆོས་རྣམས་གང་ཡང་མེད།། མཆོག་ཏུ་རྨད་བྱུང་ངོ་མཚར་ཁྱད་པར་ཡུལ་འདི་ཀུན་གྱི་སྨན་ཆེན
200a2 ཡིན།། ཤེས་བྱ་དེ་བཞིན་ཉིད་ལ་རང་རིག་རིག་བྱེད་རང་ཞིར་འགྲོ་རུ་གཞུག། རང་རིག་དེ་ཡང་དེ་ལས་བྱུང་ནས་དེ་ལ་གནས་པས་གནས་པ་དེ་ཀར་བཞག། ལམ་གཞན་ཇི་ལྟར་བགྲོད་ཀྱང་གྲུབ་མཐའ་དེ་ཉིད
200a3 ཡིན།། དེ་ཕྱིར་ཀུན་གྱི་འབྱུང་ཁུངས་དེ་ནི་གྲུབ་མཐའ་འབྲས་བུ་ཡིན།། ཐམས་ཅད་རང་གིས་འཆར་བས་ནམ་མཁའི་ཚུལ་དུའང་གནས།། འདི་ནི་ཀུན་གྱི་དམིགས་བུ་ཡིན་ཏེ་གཞན་ལོང་ཁྲིད་པར་བྱེད། ཐམས་ཅད
200a4 མཉམ་པའི་རྒྱལ་པོ་བྱ་བ་ཡིན་པས་སྤྱོད་ལས་འདས་པ་ཡིན།། དེ་ལྟར་ཡེ་ནས་གནས་པ་དེ་ལ་སུ་ཞིག་མི་འཆོས་ངོ་བོ་དེ་ཉིད་དེ་བཞིན་འཇོག་པ་བྱང་ཆུབ་ཆེ། དེ་ཁོ་ཀུན་རྫོགས་རང་བཞིན་ཆོས་ཀྱི་སྙིང་པོ་ལྟ་སྤྱོད
200a5 རྫོགས་པ་ཡིན།། ཆོས་ཀྱི་སྙིང་པོ་འདི་ལ་ལྟ་སྤྱོད་དེ་ཉིད་བསྒྲུབ་པར་བྱེད་པ་དེ་ལ་སྙིང་པོ་རིང་།། དེ་ཡིས་སྙིང་པོ་མ་མཐོང་སྤྱོད་དང་བཅས་པས་སྙིང་པོ་ཉམས།། འདི་ནི་རྩོལ་དང་ཡེ་ནས་བྲལ་བས་བཙལ་དུ་ཡེ་ནས
200a6 མེད་ཕྱིར་སྙིང་པོའི་མཆོག། དུས་གསུམ་རྒྱལ་བས་ཀྱང་ནི་མ་བསྒྲུབས་མ་སྦྱངས་མ་བཙལ་བཞག་ལས་མཐོང་།། མཐོང་མ་ཐག་ཏུ་སྦྱང་བཙལ་འགྱོད་དེ་སྦྱངས་མ་དགོས་པར་རྟོགས།། རྟོགས་པའི་ངང་དེ་ལ་ནི་དུས
iiif viewer powered by OpenSeadragon
