| e-texts navigator |
| Wylie |
19b1 བཞིན་གཤེགས་པ་ཐམས་ཅད་བཙུན་མོའི་ཚོགས་དང་བཅས་པས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་ལ། ལན་གསུམ་བསྐོར་བ་བྱས་ཏེ། ཕྱག་འཚལ་བས་འདུན་པའི་མགྲིན་གཅིག
19b2 ཏུ་འདི་སྐད་ཅེས་གསོལ་ཏོ།། སྐུ་གསུང་ཐུགས་ཀྱི་བདག་པོ་མཆོག། མ་འོངས་རྣམས་ཀྱི་དོན་སླད་དུ།། ཐབས་ཀྱི་མཆོག་ཏུ་གང་གྱུར་པ།། གཟུ་བོ་ཆེན་པོས་བཤད་དུ་གསོལ།། དེ་ནས་བཅོམ་ལྡན་འདས་དགྱེས་པ
19b3 ཆེན་པོས། ཞལ་འཛུམ་པ་མཛད་དེ་ཤིན་ཏུ་སྦྱོར་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ལ།། གསང་བ་དམ་པ་འདི་ལྟ་བུ་གསུངས་སོ།། གང་ཞིག་བསྒྲུབ་པར་འདོད་པ
19b4 ནི།། ཐོས་བསམ་བསྒོམ་ལ་རབ་གནས་ཤིང་།། ཤེས་རབ་ཅན་དུ་གང་གྱུར་པ།། སྙིང་རྗེའི་མཐུ་ལས་བྱུང་བ་ལ།། བྱང་ཆུབ་སེམས་དཔའ་ཡང་དག་ལྡན།། གཏོང་དང་ཚུལ་ཁྲིམས་ལ་སོགས་པ།། སྤྱོད་པ་རྒྱ་མཚོའི
19b5 གཞིར་གྱུར་ཏེ།། དབང་བསྐུར་ཆོ་ག་ཕུན་སུམ་ལྡན།། རྣལ་འབྱོར་རྒྱུ་ནི་ཐམས་ཅད་ལས།། ཐབས་ཀྱི་རིམ་པར་གང་གྱུར་པ།། རིན་ཆེན་རིགས་སུ་གང་ལྡན་པས།། བླ་མའི་ཁ་ནས་རྟོགས་པར་བྱ།། གང་དག་བསྒྲུབ
19b6 པར་འདོད་པ་ལ།། ཇི་སྐད་གསུངས་པའི་ཡོན་ཏན་ལྡན།། མང་དུ་ཐོས་ཤིང་ཤེས་རབ་ལྡན།། འཁོར་གྱི་འཇིགས་བྲལ་སྐྱེ་བ་མེད།། སེང་གེའི་ཐུགས་རྗེ་རབ་ལྡན་པས།། དམ་པའི་དོན་ཉིད་མ་ནོར་བསླབ།། དེ་བཞིན
iiif viewer powered by OpenSeadragon
