| e-texts navigator |
| Wylie |
199a1 མི་ཞི་གྲོལ་མི་འགྱུར།། རྣལ་འབྱོར་ལམ་བསླད་ཐེ་ཚོམ་རྒྱུ་ཡང་རྒྱུན་འདི་ཕྲ་བ་མ་རྟོགས་སྐྱེ།། བདག་ཏུ་བརྟགས་པས་བསྒྲིབས་ཏེ་འཕགས་པའི་རིགས་དང་རྣམ་པར་བྲལ།། ཆོས་སུ་བཏགས་པས་སྡུག
199a2 བསྔལ་སྣ་ཚོགས་འབྱུང་ཞིང་ངན་སོང་སྲིད་པར་འགྱུར།། རྣམ་ཤེས་དེ་ཡང་འདུ་བྱེད་རྒྱུན་ལས་མཚན་མ་ཐ་དད་འཛིན་པས་ན།། ལས་ཀྱི་ཁྱད་པར་དག་གིས་བརྒྱད་དུ་སྣང་གིས་རིགས་ལ་དུ་མ་མེད།། ཤེས་ཤིང་རིག
199a3 པའི་རིགས་སུ་གཅིག་སྟེ་རིགས་ལ་དུ་མ་མེད།། དེ་ཕྱིར་སེམས་ཀྱི་སྐད་ཅིག་དང་པོའི་དེ་ལ་ལུས་དང་ཆོས་ཀུན་གནས།། དེ་ལ་བསམ་པ་ཞེ་ན་ཕྱིར་ཕྱི་མ་དེས་འབྱུང་དེ་ལ་སྣང་།། རང་སེམས་རྒྱུན་ལ་འཕགས་པ་སྐྱེ
199a4 བོའི་ཆོས་ནི་གཞན་ན་ཡོད་པ་མིན།། རྒྱུད་དྲུག་རིགས་ལམ་དེ་ལའང་སྣ་ཚོགས་དེ་དག་རང་གི་ཏིང་འཛིན་ནོ།། སེམས་རྒྱུན་དེ་ནི་ཕྱོགས་ཀྱང་ཅུང་ཟད་མེད་པས་གཅིག་ལ་བརྟེན་པ་མེད་པའོ།། དེ་ཕྱོགས་ལ་མེད་ཕྱིར
199a5 ན་མཐའ་ཡས་ཞིང་རྣམས་བདག་གི་ལུས།། བདག་གིས་ལུས་ནི་མཐའ་ཡས་ཞིང་དང་སྐྱེ་བའི་ལུས་སུ་རབ་སྣང་ཡང་།། སེམས་དང་བག་ཆགས་ཐ་དད་མ་ཡིན་གཅིག་མིན་བརྟག་པར་རབ་ཏུ་དཀའ།། འདི་ཀུན་རྟེན
199a6 ཅིང་འབྲེལ་བར་འབྱུང་བའི་ཚུལ་ཏེ་སྐྱེ་དང་འགག་འགྱུར་ཞེས།། ཚིག་པའི་ས་བོན་བཞིན་དུ་མེད་ལས་མེད་པ་མི་འབྱུང་རྒྱུ་འབྲས་མེད། དངོས་པོར་ཞེན་ཅིང་རྒྱུ་དང་འབྲས་བུར་སྟོན་པའི་སེམས་ཉིད་ནི།། རྒྱུ་དང་རྐྱེན
iiif viewer powered by OpenSeadragon
