| e-texts navigator |
| Wylie |
198a1 དེ་བཞིན་གྱི་ནར་དེ་བཞིན་ཉིད།། སེམས་ཀྱི་ཕུར་པ་དེ་བཞིན་གཏིང་དུ་བཏབ་ནས་བཞག་པ་དེ་ལས་དབྱུང་མི་བྱ།། འགུལ་ཞིང་གཡོ་བའི་ཚེ་ན་བཅིང་ཞིང་འབྱུང་དུ་གཞུག་པར་ཡོངས་མི་བྱ།། བྱང་ཆུབ
198a2 ཀྱི་སེམས་སྒོམ་པའི་རྒྱུད་ལས། དོན་གྱི་སྙིང་པོ་རང་བཞིན་ཡོན་ཏན་དང་བཅས་པའི་ལེའུ་སྟེ་དྲུག་པའོ།། །། དེ་ནས་ཡང་གཉིས་སུ་མེད་པའི་བདག་ཉིད་ཆེན་པོས།། ཀུན་ནས་ཉོན་མོངས་པའི་མཚན་ཉིད་ཉིད་ལ
198a3 ཉིད་ཀྱིས་བརྗོད་པ།། དངོས་པོའི་མཐའ་ཡི་རྒྱུ་ནི་ལོ་རྒྱུས་དག་ལས་ལམ་འདི་བརྟག་པར་བྱ།། སྐྱེ་བོ་ཀུན་གྱི་སེམས་ལ་མངོན་སྣང་ཕྱི་ནང་གྲགས་པའི་ཆོས་འདི་ནི།། འཛིན་པ་དྲུག་གིས་ཇི་ལྟར་མཐོང་ཞིང་བརྟགས་པ
198a4 དེ་ལྟར་མ་ཡིན་འཁྲུལ།། རང་གི་རྟོག་པས་མྱོས་པ་དེ་བཞིན་གཟུང་བ་དེ་ཉིད་བདེན་གྱུར་ན།། དེ་དག་དངོས་པོ་མེད་རྟོགས་དགྲ་བཅོམ་འདྲ་བར་འགྱུར་བར་རིག། དེ་དག་དུས་དགྲས་འཇོམས་དང་སྡུག་བསྔལ་ཉེན
198a5 ལས་དེ་འཁྲུལ་མངོན་པར་འགྱུར། གཞན་དུ་སྐྱེ་མཆེད་བསྒོམས་ནས་རིག་པ་དེ་དག་ཚད་མར་གྱུར་ན་ནི།། དེ་ཉིད་ཚད་མར་གྱུར་པས་འཕགས་པའི་ལམ་དེ་སུ་ལའང་དགོས་མི་འགྱུར།། ལམ་མེད་རྣམ་གྲོལ་ལམ་དུ
198a6 བསྟན་ཞིང་དབང་པོའི་ཤེས་པས་མ་ཐར་ཏེ།། སྡུག་བསྔལ་འགའ་ཡང་མི་འཇིལ་རྣམ་རིག་ཤེས་ཏེ་ཉོན་མོངས་སྐྱེ་བའི་གནས།། དེ་ཕྱིར་སྐྱེ་བོས་མཐོང་བ་དེ་དག་འཁྲུལ་པར་མངོན་ཞིང་རྒྱལ་བས་གསུངས། དེ་ལ
iiif viewer powered by OpenSeadragon
