| e-texts navigator |
| Wylie |
197b1 འདི།། ཐེག་པ་ཀུན་གྱི་ནད་གསོ་མཛད་པའི་སྨན་པའི་རྒྱལ་པོ་སྟེ།། འདི་ལས་ཟབ་པའི་ཆོས་ནི་གང་ནའང་མེད་པ་ཡིན་ཏེ་ཤིན་ཏུ་ཕྲ།། འདི་མ་མཐོང་བར་གང་གཱའི་བྱེ་སྙེད་སངས་རྒྱས་མཐོང་ཡང་ཡང་དག་བྱང་ཆུབ
197b2 མེད།། ཐེག་གཞན་བློ་ཡི་གཏིང་དུ་སྣང་ཞིང་ཡེ་ཤེས་ཆེན་པོའི་ལམ་སྦྱངས་བྱས་ཀྱང་རྟོག་པའི་ཀླུང་།། བློ་ཡི་རིམ་པས་ཡུན་རིང་ཡུན་དུ་བསྒྲུབས་ན་གྲུབ་མཐའ་མཐར་འཛིན་ཁོ་ན་དེ་ཉིད་དོ།། ཐེག་གཞན་གྲུབ་མཐའ
197b3 འདི་ནི་ཅིར་ཡང་དམིགས་སུ་མེད་དེ་ཀུན་གྱི་རང་བཞིན་ཡིན།། འདི་ལས་ཡ་མཚན་འཕྲུལ་གྱི་ཡེ་ཤེས་འོད་འབར་དེ་ནི་ཀུན་ལ་ཁྱབ་པར་གསལ།། འདིར་མ་འཁྱིལ་པའི་ཆོས་ནི་གང་ནའང་མེད་དེ་ཐིག་ལེ་དག་པའི
197b4 སྐུ།། འདི་ནི་དམིགས་ཤིང་བསྒོམ་དུ་མེད་དེ་བསྒོམ་པའི་ཐ་སྙད་འདས།། ལམ་དུ་བགྲོད་དུ་མེད་དེ་ལམ་མཆོག་ལམ་གྱི་ཕུལ་ཏེ་དེ་བཞིན་ལམ་ཕུགས་ཉིད།། འདི་ལ་རྟོགས་པར་བྱར་མེད་ཀུན་སངས་རྒྱས་པ་ཡེ་ནས
197b5 ཡིན།། འཁོར་བ་མྱ་ངན་འདས་པ་གཉིས་མེད་མཉམ་པའི་རྒྱལ་པོ་བླང་དོར་མེད།། དེ་བཞིན་ཉིད་མ་གཏོགས་པའི་ཆོས་རྣམས་གུད་ན་ཡོད་མ་ཡིན།། ཆོས་འདི་སྣང་བ་ཐམས་ཅད་འདུ་བྱེད་རྒྱུན་དང་བཅས་པའི་མཐུ
197b6 ཉིད་སྣང་བ་སྟེ།། རྒྱུན་རྟོགས་བག་ཆགས་རྒྱུན་མ་ཆད་པར་སྣང་བ་ཡིན་པས་སྣང་བའི་དངོས་པོ་བརྟག་མི་བྱ།། དེ་དག་སེམས་ཀྱི་འབྱུང་འཇུག་རྒྱུན་བཅད་ཕྱིར་ན་ཡེ་སངས་རྒྱས་པ་ལས།། གཞན་དུ་མི་བསམ་དེ་ཉིད
iiif viewer powered by OpenSeadragon
