| e-texts navigator |
| Wylie |
197a1 སྟོང་པ་འདི་མ་རྟོགས་པར་གཞན་ན་ཆོས་དབྱིངས་མེད་ཅིང་འབྲས་བུ་སངས་རྒྱས་མེད།། ངོ་བོ་ཉིད་སྟོང་སྤྱོད་པ་སྟོང་པའི་ངོ་བོ་ཉིད་ལ་མ་ཆག་པར་ན་དེ་ཉིད་མྱ་ངན་འདས་པའོ།། ཡང་དག་དོན་འདི
197a2 ཚིག་གིས་བཤད་དུ་མི་རུང་ཚིག་དང་བཤད་པས་སླེབ་པར་ནུས་མ་ཡིན།། བྱང་ཆུབ་སེམས་སྒོམ་པའི་རྒྱུད་ལས། ཐེག་པ་ཆེན་པོ་མདོ་སྡེའི་དོན་དང་མཚན་ཉིད་བསྟན་པའི་ལེའུ་སྟེ་ལྔ་པའོ།། །། དེ་ནས་གཉིས་སུ
197a3 མེད་པའི་བདག་ཉིད་ཆེན་པོས་གཉིས་སུ་མེད་པའི་དོན་ཉིད།། ཉིད་ཀྱིས་ཉིད་ལ་ཆེད་དུ་བརྗོད་པ་ཆེད་དུ་བརྗོད་དོ།། བྱང་ཆུབ་སེམས་ནི་ཡོན་ཏན་ཐམས་ཅད་འབྱིན་པའི་ནོར་བུ་ཉིད་དེ་ཐེག་པའི་མཆོག། ཁྱད་པར
197a4 མཆོག་ཏུ་གྱུར་ཅིང་ཀུན་གྱིས་རབ་ཏུ་བསྔགས་པ་རྫོགས་ཆེན་ཡིན།། ཀུན་གྱི་རང་བཞིན་བྱ་བྲལ་ཡངས་པའི་སྙིང་པོ་འདི་ནི་བསྒོམ་དུ་རྡུལ་ཙམ་མེད།། དེ་ནི་སྐྱེ་མེད་བྱང་ཆུབ་སེམས་ཀྱི་རང་བཞིན་དངོས་མེད་དམིགས
197a5 སུ་མེད་པས་སོ།། བྱང་ཆུབ་སེམས་ནི་དེ་བཞིན་ཉིད་ལས་ངང་གིས་འདའ་མི་བྱེད།། དེ་ལྟར་དེ་བཞིན་གནས་པ་འདི་ལ་དེ་བཞིན་གཤེགས་པ་ཀུན་གནས་འདི་ལ་དགོངས།། དེ་བཞིན་གཤེགས་པའི་ཐུགས་ཉིད་དེ
197a6 བཞིན་ཉིད་དེ་དེ་བཞིན་ཉིད་ལས་དེ་མི་འབྱུང་།། དེ་ནི་རྣམ་དག་ཆོས་སྐུ་དྲི་མེད་འོད་གསལ་བདེ་ཆེན་ལྷུན་གྲུབ་ས་ཡང་ཡིན།། མཁའ་དབྱིངས་གཞལ་ཡས་ཀུན་ཏུ་འོད་ཀྱི་ས་ལས་འདས་པའི་བླ་མེད་ཐེག་ཆེན
iiif viewer powered by OpenSeadragon
