| e-texts navigator |
| Wylie |
196a1 ཤེས་སྐྱེ།། གང་ཡང་སྣང་བ་མེད་པའི་ཆོས་ཉིད་ལམ་མཆོག་ལ།། མ་བཙལ་བསམ་དང་བྲལ་ན་བསྒོམ་པའི་ཀླུང་།། བཙལ་ཞིང་བརྟགས་ན་ལམ་མཆོག་དེ་ལས་གོལ།། དེ་ལས་དེ་བཞིན་བདེ་བ་མི
196a2 འབྱུང་རྒྱུ་འབྲས་ཅན།། བསྒོམ་དུ་མེད་བཞིན་དམིགས་པར་བྱེད་པ་སྨིག་རྒྱུ་ཆུ་བྱེད་འདྲ།། བྱང་ཆུབ་ཀྱི་སེམས་སྒོམ་པའི་རྒྱུད་ལས། སྒོམ་པའི་ཐབས་བསྟན་པའི་ལེའུ་སྟེ་བཞི་པའོ།། །། དེ་ནས་གཉིས་སུ་མེད
196a3 པའི་བདག་ཉིད་ཆེན་པོས་ཐེག་པ་ཆེན་པོའི་དོན་དང་མཚན་ཉིད་ཉིད་ལ་ཉིད་ཀྱིས་བརྗོད་པ། སེམས་ནི་རྡོ་ཤིང་འདྲ་སྟེ་དགེ་དང་མི་དགེའི་ལས་མི་སྤྱོད་པ་དམ་པའི་སེམས་ཡིན་ནོ།། དོན་དམ་ཉིད་ལ་མིང་དང་མཚན
196a4 མ་མེད་དེ་སེམས་ཀྱིས་དམིགས་པར་ནུས་པ་མ་ཡིན་ངག་གིས་བཤད་པར་ནུས་མ་ཡིན།། སེམས་གཡོས་པ་ན་མཚན་མ་ཉིད་དེ་མཚན་མའི་རྒྱུ་ལ་མིང་བཏགས་པ་དེ་མིང་དང་མཚན་མ་ཞེས་བྱའོ།། རྣམ་པར་རྟོག་པ
196a5 གང་ཡང་ལེན་ཞིང་ཆགས་ན་དེ་མིང་སྒྱུ་མ་མི་བདེ་བ་ཡི་འདུ་ཤེས་ཡིན། མིང་དང་མཚན་མ་གང་ནའང་མེད་པར་རྟོགས་ཤིང་ཤེས་ན་དེ་མིང་ཡང་དག་པ་ཡི་ཡེ་ཤེས་སོ།། མིང་དང་མཚན་མ་ཅི་ཡང་རང་རིག་ཡིད་ལས
196a6 མ་སྐྱེས་པ་ནི་དེ་བཞིན་ཉིད་ཅེས་བཤད།། ཐེག་པ་ཆེན་པོ་གང་ན་བདེན་པ་བཞིན་དུ་རྣམ་པར་ཤེས་པ་མི་གཡོ་ཞིང་ནི་སེམས་ཀྱི་རྒྱུ་ཉིད་སྐྱེ་བ་མེད་པའོ།། རྣམ་པར་རྟོག་པ་མེད་པ་གང་ན་ད་ལྟར་གྱི་ནི་རྣམ་པར་ཤེས
iiif viewer powered by OpenSeadragon
