| e-texts navigator |
| Wylie |
195b1 ཤེས་སྙིང་པོ་ནི།། སྣ་ཚོགས་ཆོས་རྣམས་ཀུན་ལ་དབང་ཡང་བསྒྱུར་བས་མི་ཉམས་ཏེ།། དེ་ཕྱིར་ཚད་བཞི་རྒྱུ་འབྲས་འདོད་པའི་ཐ་སྙད་པ་ནི་ཚད་མར་འཇོག་མོད་ཀྱི།། རྒྱུ་ཡི་འབྲས་བུ་དམ་པའི་ཡུལ་འདི་ཚད་མས
195b2 གཞིག་ཏུ་ག་ལ་ཡོད་དེ་མེད།། དཔེ་དང་ཚད་མས་རྙེད་མིན་གསང་སྔགས་རྒྱ་མཚོ་ཆེན་པོ་འདི།། ཡོངས་བསྲུབས་ཀུན་བསྐྱེད་སྙིང་པོར་གནས་ཏེ་འབྲས་བུའང་ཡིན།། བྱང་ཆུབ་ཀྱི་སེམས་སྒོམ་པའི་རྒྱུད་ལས། དོན
195b3 དམ་པའི་རང་བཞིན་རྟོགས་པར་བྱ་བའི་ཐབས་བསྟན་པ་དང་། ཚད་མས་གཞིག་ཏུ་མེད་པར་བསྟན་པའི་ལེའུ་སྟེ་གསུམ་པའོ།། །། དེ་ནས་དེ་བཞིན་གཤེགས་པ་ཐམས་ཅད་ཀྱི་བདག་པོ་ཆེན་པོ་དེས། ཉིད་ལ
195b4 ཉིད་ཀྱིས་བསྒོམ་དུ་མེད་པའི་དོན་བརྗོད་པ།། ཡངས་སོ་ཆེའོ་ཤིན་ཏུ་ཕྲ་བའི་ཆོས་ཉིད་འདི།། རྒྱུ་འབྲས་མི་འཕྱེད་ངང་གིས་བཙན་པས་དེ་བཞིན་ཉིད།། རང་བཞིན་གནས་པས་བྱ་མེད་བདེ་བའི་ཀླུང་ཆེན་པོ།། རྣ་བས
195b5 གཞན་ནས་ཟོས་པར་མི་རུང་ཚིག་ལས་འདས།། ལྕེས་ཀྱང་བརྗོད་དུ་མི་རུང་སྣོད་བཅུད་ཡེ་ནས་རྣམ་པར་དག། བླང་དོར་མེད་པའི་རྡོ་རྗེའི་སྐུ་སྟེ་རྫོགས་པའི་སྐུ།། དྲང་སྲོང་བདེན་པར་བཞུགས་པ་རྣམས་ཀྱིས་བརྟག
195b6 མི་བྱ།། དོན་འདིས་བརྟགས་པས་མི་རྟོག་ཀླུང་ལས་ཉམས།། ཆོས་ཀྱི་སྙིང་པོ་འདི་ལ་བསྒོམ་དུ་ཅི་ཡང་གྲུབ་པ་མེད།། གང་ཡང་དམིགས་ན་མཚན་མེད་མཚན་མ་འདྲ་སྟེ་རྟོགས།། མི་རྟོག་པ་ཉིད་རྟོགས་པའི་ཀླུང་སྟེ་ཡེ
iiif viewer powered by OpenSeadragon
