| e-texts navigator |
| Wylie |
195a1 བའི་མཆོག། རང་བཞིན་མེད་པའི་སེམས་ལ་རང་རིག་དེ་བཞིན་བཞག། མ་བསམས་མ་བཙལ་དེ་བཞིན་གནས་པ་བསྒོམ་པ་ཡིན།། དེ་ན་ཀུན་ཏུ་རྡོ་རྗེ་སེམས་དཔའ་ཅི་འདྲ་བསྒོམ་པ་བྱས་པར
195a2 འགྱུར།། ཕྲ་ཞིང་ཤེས་དཀའ་དྲང་སྲོང་ཆེན་པོའི་ལམ་འདི་མི་རྟོག་རྟོག་ལས་འདས།། རྟོག་པར་དཀའ་ཞིང་བསྟན་པར་དཀའ་ལ་བརྗོད་པའི་ཐ་སྙད་རྣམས་དང་བྲལ།། ཚིག་གིས་མི་ཕེབས་གཞན་དང་བྱིས་པ་ཀུན
195a3 གྱི་སྤྱོད་ཡུལ་མ་ཡིན་ཡང་།། སྟོན་པར་ངེས་པའི་ལུང་དང་བླ་མ་རྣམས་ཀྱི་མན་ངག་དེ་ཉིད་དོན་འདིར་བལྟ།། མངོན་སུམ་ལ་སོགས་རྒྱུ་ཡིས་དངོས་པོ་འཇིག་ཅིང་གྲུབ་པའི་མཐའ་དཔྱོད་པ།། དེ་ཉིད་རྟོག་པའི་རྒྱུན་འབྲ།
195a4 ངས་སྤྱོད་ཡུལ་ཚད་མར་བཞག་ནས་བློ་ཡིས་འཇིག་བྱེད་དེ།། རྟོག་མཐའ་མེད་ཕྱིར་དཔྱོད་མཐའ་མེད་དེ་སྙིང་པོ་མེད་ན་ཚད་མར་གང་།། དེ་ཕྱིར་འཇིག་རྟེན་ཐ་སྙད་བཏགས་པ་རྣལ་འབྱོར་ལམ་འདིར་མི་དགོས
195a5 སོ།། ཕྱོགས་དུས་མཉམ་ཉིད་རྣམ་པར་དག་པ་ཡེ་ནས་ཡིན་པས་ན།། སྣ་ཚོགས་ཆོས་རྣམས་ཀུན་ལ་ཇི་ལྟར་འདོད་དབང་བསྐུར།། འཇིག་རྟེན་འདས་དང་འཇིག་རྟེན་མ་འདས་ཐམས་ཅད་ཀུན།། ཡང་དག་ཤེས་པས
195a6 རབ་ཏུ་བརྟགས་པས་རྟོགས་འགྱུར་ན།། རང་བཞིན་མཉམ་པ་མེད་ལས་ཅིར་ཡང་སྣང་ཞིང་འབྱུང་།། ཇི་ལྟར་སྣང་བ་ཉིད་ནའང་དབྱིངས་ཀྱི་རང་བཞིན་དེ་བཞིན་ཉིད་ཡིན་ཏེ།། དེ་ལྟར་རྟོག་པར་གྱུར་པའི་རང་བྱུང་ཡེ
iiif viewer powered by OpenSeadragon
