| e-texts navigator |
| Wylie |
194b1 གཞོན་ནུའི་སྙིང་པོ་ཉིད།། བདེ་གཤེགས་མ་ལུས་ཡུམ་དུ་གྱུར་པས་རྒྱལ་བ་ཀུན་གྱི་ཡུམ་གཅིག་པོ།། ཚུལ་ཁྲིམས་ལ་སོགས་ཕ་རོལ་ཕྱིན་ལམ་སྤྱོད་པ་རྒྱ་མཚོའི་གཞིར་གྱུར་པ།། རྣམ་དག་བྱང་ཆུབ་སེམས་ཀྱི་ངང་ཚུལ
194b2 བསྒོམ་དང་ཡོན་ཏན་ཁྱད་པར་ནི།། བློ་ལྡན་ནམ་ཞིག་སེམས་ཀྱི་དམ་པ་དེ་ནི་མངོན་དུ་གྱུར་པ་ན།། དེ་ལ་སྐུ་གསུམ་མཆོག་ཏུ་གྱུར་པ་ཆོས་ཀྱི་སྐུ་ཞེས་རྒྱལ་བས་གསུངས།། ཤེས་བྱེད་དམ་པར་གྱུར་པ་ཤེས་རབ་སྤྱན
194b3 ཞེས་ཀྱང་ནི་དེ་ལ་བྱ།། རྡོ་རྗེ་རྩེ་མོའི་མཆོག་ཉིད་མི་རྟོག་ཡེ་ཤེས་དེ་ཡང་དེ་ཉིད་དོ།། ཇི་སྙེད་འཕགས་པའི་རྣམ་གྲོལ་ཆོས་སུ་བསྟན་པ་དེ་དག་ཐམས་ཅད་ཀྱང་།། བྱང་ཆུབ་སེམས་ཉིད་རྫོགས་ལམ་དེ་ཡི་ཡོན་ཏན་དེ
194b4 དག་དེ་ལས་འབྱུང་།། འཕགས་པའི་རིགས་ཆེན་འཆི་མེད་བྱང་ཆུབ་སེམས་དཔའ་དེ་དག་ཐམས་ཅད་ཀྱང་།། དེ་མེད་མི་འབྱུང་དེ་ཕྱིར་དེ་ནི་རྣམ་གྲོལ་མཆོག་གི་ལམ་ཉིད་དོ།། བླ་མེད་རང་བཞིན་མཆོག་གི་མཆོག
194b5 ཉིད་འདི་ནི་ཀུན་གྱི་མཆོག། གཞི་རྩ་མེད་པའི་སེམས་ཉིད་རིན་ཆེན་ནོར་འདྲ་ལ།། མཚོན་དུ་མེད་པ་རིགས་རྒྱུད་མེད་དེ་གང་ཡང་ཡོད་མ་ཡིན།། ཅིས་ཀྱང་གཞིག་ཏུ་མེད་པའི་ཕྱིར་ནི་རྡོ་རྗེ་ཉིད།། མི་འགྱུར་བདེ་བའི
194b6 ཀླུང་ན་དེ་བཞིན་དེ་གནས་པའི།། བྱང་ཆུབ་སྙིང་པོའི་ཆོས་འདི་མི་དམིགས་བྱང་ཆུབ་སེམས་མི་དམིགས།། འདི་ནི་ཡང་དག་ཉིད་དེ་དྲང་སྲོང་རྣམས་ཀྱི་ལམ་གྱི་མཆོག། སེམས་ཀྱིས་སེམས་ཉིད་དེ་ལྟར་མཐོང་ན་བདེ།
iiif viewer powered by OpenSeadragon
