| e-texts navigator |
| Wylie |
193b1 བླང་མེད་ལམ་མཆོག་སྟེ།། མྱ་ངན་འདས་དང་འཁོར་བ་གཉིས་མེད་ཡང་དག་ཉིད། ཆོས་ཀྱི་སྙིང་པོ་ཕྱི་ནང་མ་ལུས་ཆོས་རྣམས་ཀུན་གྱི་གཞི།། བདེ་གཤེགས་ཀུན་གྱི་ཡུམ་གྱུར་གསང་བའི་དབྱིངས་ཕྱུག་མ།། དེ་བཞིན
193b2 ཉིད་ཀྱི་ངང་བཙན་བདེ་བ་ཆེན་པོའི་རྒྱ་མཆོག་ཉིད།། ཐམས་ཅད་རང་བྱུང་དཀྱིལ་འཁོར་འདིར་ནི་རྣམ་པར་དག། བདེ་དང་མི་བདེ་གཉིས་མེད་ཡེ་ནས་རྫོགས་པའི་ཆོས།། མི་སྐྱེ་མི་འགག་ཅིར་ཡང་མི་དགོངས
193b3 དམིགས་སུ་མེད།། བྱང་ཆུབ་ཀྱི་སེམས་སྒོམ་པའི་རྒྱུད་ལས།། དོན་དམ་པའི་གླེང་གཞིའི་ལེའུ་སྟེ་དང་པོའོ།། །། དེ་ནས་བདག་ཉིད་ཆེན་པོས་ངོ་མཚར་བའི་ཚིག་འདི་ཉིད་ལ། ཉིད་ཀྱིས་ཆེད་དུ་བརྗོད་པ། ཨེ་ཨེ
193b4 མ་ཨེ་མ་ཧོ།། ངོ་མཚར་གསང་བ་རྨད་དུ་བྱུང་བའི་ཆོས་ཆེན་པོ།། སུས་ཀྱང་མ་བཅོས་མ་གསུངས་མ་བྱས་ངང་གིས་གསལ།། སྐྱེ་བ་མེད་པས་ཐམས་ཅད་སྐྱེས་ཀྱང་སྐྱེ་བ་མེད།། མིང་དང་ཐ་སྙད་འཛིན་པ་ཐམས་ཅད
193b5 ཡེ་ནས་སངས་རྒྱས་ཡིན།། དེ་ནས་ཡང་ངོ་མཚར་བའི་རྨད་དུ་བྱུང་སྟེ་མ་རྟོགས་པ་ལ་ངོ་མཚར་ཚིག་འདི་ཆེད་དུ་བརྗོད་དོ།། མ་རིག་ལོག་འཁྲུལ་རྟོག་པའི་གཟུང་འཛིན་གྱིས།། མེད་ལ་ཡོད་བརྟགས་རྟེན་འབྲེལ
193b6 གཉིས་སུ་འཁོར།། བྱ་བྱེད་ལས་འཕགས་རང་བཞིན་ཉིད་ལས་ཉམས་པ་མེད།། བདག་ཉིད་གཉིས་མེད་བདེན་པ་མ་མཐོང་བས།། སྒྱུ་མ་ལ་སོགས་དངོས་པོར་འཛིན་པས་ཡང་དག་ཉམས།། བླུན་པོ་གང་ཞིག
iiif viewer powered by OpenSeadragon
