| e-texts navigator |
| Wylie |
192a1 ཤིང་གསལ་བས་མངོན།། དབྱིངས་སུ་ཐིམ་ཞིང་འོད་དུ་འབར།། དངས་སྙིགས་ཡེ་ཤེས་སྙིང་པོ་འདྲེས།། ཐིག་ལེ་རང་བཞིན་མེད་པར་ཐིམ།། རིག་པ་ཡེ་ཤེས་གསལ་བའི་སེམས།། མ་བཙལ་ལྷུན་གྱིས
192a2 གྲུབ་པར་གནས།། སེམས་ཀྱིས་བསྒྲིབ་པར་མི་བྱ་ཞིང་།། ལུས་དང་ངག་ཀྱང་ཡལ་བར་བཞག། བཏང་ངོ་བཞག་གོ་བྱང་ཆུབ་སེམས།། དམིགས་དང་བྲལ་བར་རང་བཞིན་གནས།། དུས་གསུམ་འགྱུར་བ་མེད་པའི
192a3 བློ།། རིག་པ་གདེང་གསུམ་རྣམ་པར་དག། རྫོགས་པའི་ཡེ་ཤེས་ཀློང་དུ་འཇུག། ཇི་བཞིན་མ་བཅོས་གསང་བའི་སེམས།། འདུ་འབྲལ་མེད་པ་དབྱིངས་ལ་གསལ།། དྲན་འབྱུང་རིག་པ་དབྱིངས་ལ་རྫོགས།། ཞེན་མེད
192a4 སྣང་བ་རང་གི་སེམས།། ཅི་དགར་བཞག་པས་གཡོ་བ་མེད།། རང་རིག་ཡེ་ཤེས་བསམ་མི་ཁྱབ།། འདུ་ཤེས་མེད་པའི་དབྱིངས་ལ་འཇུག། བླང་དོར་མེད་པར་ཀུན་རྫོགས་པ།། མཚན་འཛིན་ཆེ་ཆུང་ཡོངས་ཀྱི
192a5 མེད།། དུས་གསུམ་གཅིག་ཏུ་བཞག་པའི་བློས།། མ་བཙལ་སེམས་ཀྱི་རང་བཞིན་གནས།། བདེ་མཆོག་མཉམ་པའི་སེམས་ཀྱིས་བལྟས།། ཞེས་གསུངས་སོ།། སྙིང་པོ་དོན་གྱི་རྒྱུད་ལས། རིག་པ་བདེར་བཞག་གི་ལེའུ
192a6 སྟེ་བཅུ་གཅིག་པའོ།། །། དེ་ནས་རང་བྱུང་རིག་པའི་རྒྱལ་པོ་དེས་ཐེག་པའི་རྒྱལ་པོ་གདམས་པ་འདི་གསུངས་སོ།། ཨེ་མའོ་སངས་རྒྱས་ཐམས་ཅད་ཀྱི།། སྐུ་གསུང་ཐུགས་ཀྱི་སྙིང་པོ་འདི།། དད་དང་དམ་ཚིག་མི
iiif viewer powered by OpenSeadragon
