| e-texts navigator |
| Wylie |
191b1 ཆེན་སེམས་ཉིད་རྫོགས་པའི་ལམ།། མ་ཁྱབ་མ་ལུས་ཆོས་མེད་པས།། མ་བགྲོད་འབྲས་བུ་རང་བཞིན་རྫོགས།། ལམ་མེད་རིམ་མེད་སེམས་ཀྱི་ལམ།། འདུ་ཤེས་མེད་པས་གསལ་བའི་ཡིད།། བསམ་དཔྱད་མེད་པས
191b2 ཀླུང་དུ་འཇུག། རྣམ་པ་རང་བཞིན་མཚན་ཉིད་གསུམ།། སྐུ་གསུམ་དུས་གཅིག་རྫོགས་པའི་ཕྱིར།། ཚོགས་བསག་སྒྲིབ་སྦྱང་བསྒྲུབ་ཏུ་མེད།། ཡེ་ནས་རྫོགས་ཆེན་བྱང་ཆུབ་སེམས།། ལྷུན་གྱིས་གྲུབ་པའི་རང་བཞིན
191b3 ལ།། བྱ་བྲལ་རིག་པའི་སེམས་ཉིད་འཇུག། རབ་ཏུ་མི་གཡོ་བ་ཡི་ཡིད།། དྲི་མེད་རྣམ་དག་སེམས་ཀྱི་ལམ།། བགྲོད་དུ་མེད་དོ་ཡེ་སངས་རྒྱས།། ཞེས་གསུངས་སོ།། སྙིང་པོ་དོན་གྱི་རྒྱུད་ལས། བརྗོད་མེད་བདེར
191b4 བཞག་གི་ལེའུ་སྟེ་བཅུ་པའོ།། །། དེ་ནས་ཡང་བཅོམ་ལྡན་འདས་རང་བྱུང་རིག་པའི་རྒྱལ་པོ་དེས། ལྷུན་གྲུབ་རྡོ་རྗེ་རིག་པ་གསང་བའི་དོན་འདི་གསུངས་སོ།། ཆོས་ཀུན་བྱང་ཆུབ་སེམས་སུ་གཅིག། སེམས་ཉིད
191b5 འོད་གསལ་མཉམ་པ་ཉིད།། ལྷུན་གྱིས་གྲུབ་པའི་ཞིང་ཁམས་ལ།། མ་ཡེངས་ད་ལྟར་བཞག་པས་ཆོག། རང་བྱུང་རྫོགས་པའི་དོན་སྤྲད་པ།། རིག་པའི་དོན་ལ་དེ་མ་ཟག། མ་བཅོས་རང་བཞིན་བཞག་པས
191b6 གནས།། རང་བཞག་རིག་པ་ཡེངས་མེད་ཀླུང་།། གོམས་པ་དྲན་པ་ཉིད་ཀྱིས་གསལ།། རང་རིག་མཉམ་པའི་སྙིང་པོ་ལ།། བཅོས་པ་མེད་ཀྱིས་ཅི་དགར་ཞོག། རྙོག་བྲལ་དངས་མ་གསལ་བའི་བློ།། རྒྱུ་བས་ཤེས
iiif viewer powered by OpenSeadragon
