| e-texts navigator |
| Wylie |
191a1 ཕྱག་རྒྱའི་རྒྱས་བཏབ་པས།། རིམ་མེད་རང་བྱུང་ཡེ་སངས་རྒྱས།། ཞེས་གསུངས་སོ།། སྙིང་པོ་དོན་གྱི་རྒྱུད་ལས། འདར་མེད་རིག་པ་མཆོག་གི་ལེའུ་སྟེ་དགུ་པའོ།། །། དེ་ནས་ཡང་བཅོམ་ལྡན
191a2 འདས་དེ་བཞིན་གཤེགས་པ་རིག་པའི་རྒྱལ་པོ་དེས། སྦྱང་ཞིང་བགྲོད་དུ་མེད་པའི་དོན་འདི་གསུངས་སོ།། བྱང་ཆུབ་སེམས་ཀྱི་རང་བཞིན་ལ།། རྒྱུ་རྐྱེན་འཇུག་པའི་རིམ་མེད་པས།། ལོག་པར་རྟོག་པས་བཏགས
191a3 དབང་གིས།། བགྲང་མེད་དོན་ལ་གྲངས་སུ་བགྲང་།། བགྲོད་མེད་གཅིག་ལ་རྩོལ་བར་བགྲོད།། རིམ་མེད་དོན་ལ་རིམ་པར་བལྟས།། སྙིང་པོ་གཅིག་ལ་མཐོང་ཚུལ་གྱིས།། བགྲོད་པའི་ལམ་ཚུལ་བསམ
191a4 མི་ཁྱབ།། སྙིང་པོ་གཅིག་ལ་ཅིར་བགྲོད་ཀྱང་།། བགྲོད་བྲལ་རྫོགས་པའི་དོན་མི་རྙེད།། ཀུན་རྫོགས་གདལ་བ་ཆོས་ཀྱི་དབྱིངས།། མུ་མཐའ་མེད་པར་དུས་གཅིག་རྫོགས།། བགྲོད་མེད་རིག་པ་ལྷུན་རྫོགས་པ།། ལམ
191a5 ལྔ་ས་བཅུ་རྟོག་པའི་གྲངས།། མ་བཙལ་རང་བཞིན་ལྷུན་གྲུབ་པས།། རྩོལ་བའི་ཐེག་པ་ལོག་པའི་ཆོས།། དུས་གཅིག་རྫོགས་པ་རིམ་པར་མེད།། རང་གསལ་འོད་ལ་རྟག་ཏུ་བཞུགས།། ཏིང་འཛིན་རྣམ་པར་བསྒོམ་དུ
191a6 མེད།། འབྲས་བུའི་བདག་ཏུ་ལྷུན་གྲུབ་པས།། སངས་རྒྱས་སེམས་ཅན་དབྱེ་བས་སྟོངས།། ཀུན་ཀྱང་རང་བྱུང་སྙིང་པོའི་ལམ།། མ་བགྲོད་དུས་གཅིག་རྫོགས་པའི་གནས།། མཁའ་ལ་བགྲོད་མེད་ཀུན་ཁྱབ་ལྟར།། ཐེག།
iiif viewer powered by OpenSeadragon
