| e-texts navigator |
| Wylie |
190b1 གསུམ།། ཡེངས་པ་མེད་པར་ཅི་དགར་ཞོག། དུས་གསུམ་རྒྱལ་བས་གསུངས་པའི་སྒོ།། འགྲོ་འདུལ་དམ་ཚིག་མཐའ་ཡས་པ།། རྟོགས་པའི་དོན་ལ་གཅིག་ལས་མེད།། འདི་ཡང་མ་བཅོས་རང་བཞིན་ལུང་།། རང
190b2 བཞིན་གསུམ་དང་ཐིག་ལེར་གཅིག། རྒྱས་མ་ཐེབས་པའི་ཆོས་མེད་པས།། སུས་ཀྱང་འདའ་བར་ཡོད་པ་མིན།། མ་ནོར་སྙིང་པོའི་དམ་ཚིག་ལ།། མ་ཡེངས་གསལ་བར་དྲན་པ་ཡིས།། གསལ་བ་མཐར་ཕྱིན་སེམས
190b3 དཀྱིལ་འཁོར།། བདེ་མཆོག་མཉམ་པའི་སེམས་ཀྱིས་བསྟན།། ཀུན་འབྱུང་རིག་པའི་དཀྱིལ་འཁོར་ཉིད།། ཡོངས་རྫོགས་མི་འགྱུར་དམ་པའི་དོན།། མི་འདའ་ལེགས་པར་བསྟན་པར་བྱ།། དུས་གསུམ་མི་འགྱུར
190b4 སེམས་ཀྱིས་བཟུང་།། དམ་ཚིག་རྡོ་རྗེ་བརྡ་ཡི་ལུང་།། གདམས་པའི་ཚིག་གིས་གསལ་བར་ཤེས།། ལྷུན་རྫོགས་བདེ་མཆོག་དམ་ཚིག་ལ།། འདར་མེད་དོན་རྟོགས་རང་བཞིན་བཞུགས།། དོན་དང་རང་བཞིན་མཚོན་པ
190b5 ཉིད།། མ་བཅོས་པ་དང་གོམས་པ་དང་།། མཚོན་པའི་སྒྲ་ཡི་དམ་ཚིག་གིས།། རང་གི་དོན་ལ་འདའ་མི་སྲིད།། དམ་པ་རྣམས་ཀྱི་སྙིང་པོ་ཉིད།། དགོངས་པ་རང་བྱུང་རིག་པ་རྫོགས།། ཆུ་དང་རྒྱ་མཚོའི་རང་བཞིན
190b6 ལྟར།། དབྱེར་མེད་ཡེ་འབྱམས་རྨད་དུ་གྲགས།། དུས་གཅིག་སྙིང་པོ་རྫོགས་པའི་ལུང་།། རང་བྱུང་གཅིག་པས་ཁྱད་པར་མེད།། ལྷག་མ་མེད་པས་ཡོངས་སུ་རྫོགས།། མ་བཙལ་ལྷུན་རྫོགས་དམ་ཚིག་ཡིན།། ཡེ་ཤེས
iiif viewer powered by OpenSeadragon
