| e-texts navigator |
| Wylie |
190a1 རྫོགས་བདེ་མཆོག་དབང་ཀུན་བསྐུར།། རྟོགས་པས་ལྷུན་གྲུབ་རྫོགས་པས་བསྲུངས་པ་ཡིན།། དེ་ནས་ལུང་གསུམ་རིག་པའི་གཏེར་སྒོ་དབྱེ།། རྩོལ་དང་མི་རྩོལ་དྲང་ལུང་ངེས་ལུང་གིས།། རྣམ་རྟོག
190a2 སེམས་ཉིད་ལུང་དེ་རྟོགས་པར་འགྱུར།། རང་བྱུང་གསལ་བའི་དོན་ལས་མ་ཡེངས་ཤར།། སྤྱོད་ལམ་གང་ཡང་བདེ་མཆོག་ཉིད་དུ་གསལ།། ལམ་ལ་མ་བགྲོད་ས་ལ་མི་སྦྱང་སྟེ།། སྙིང་པོར་རང་བྱུང་རྫོགས་པ་ལྷུན
190a3 གྱིས་གནས།། ཆོས་ཀུན་སྙིང་པོ་བྱང་ཆུབ་སེམས་གཅིག་ལ།། རྣམ་གྲངས་ཐ་སྙད་དབྱེ་བ་མི་གནས་ཏེ།། དེ་དག་ལེགས་པར་རྟོགས་པའི་ཐབས་ཉིད་ཕྱིར།། རྣ་བརྒྱུད་གདམས་ངག་དོན་གྱིས་ལེགས་པར་དགྲོལ།། རྩ
190a4 བ་གཅིག་ཏུ་དྲིལ་ལ་མཉམ་པར་བརྟགས།། རྣམ་པར་ཕྱེ་བས་དོན་ཉིད་རྟོགས་པར་བྱ།། ལེགས་པར་རྟོགས་པའི་དོན་ལ་གཅིག་ཏུ་གནས།། ཞེས་གསུངས་སོ།། སྙིང་པོ་དོན་གྱི་རྒྱུད་ལས། ཐབས་ཆེན་བསྒྲུབ་པའི་ལེའུ
190a5 སྟེ་བརྒྱད་པའོ།། །། དེ་ནས་ཡང་བཅོམ་ལྡན་འདས་རང་བྱུང་རིག་པའི་རྒྱལ་པོས་ཆོས་ཐམས་ཅད་གཉིས་སུ་མེད་པ་ལས། འདའ་བ་མེད་པ་འདི་གསུངས་སོ།། དུས་གསུམ་རྒྱལ་བ་ཐམས་ཅད་ཀྱི།། རང་བཞིན
190a6 རིག་པའི་དམ་ཚིག་གསུམ།། རང་བྱུང་རྫོགས་པའི་རང་བཞིན་ལ།། ཡེ་ནས་རྫོགས་ཏེ་ངོ་བོར་གནས།། རང་བྱུང་རྫོགས་པའི་དམ་མེད་ན།། མཚན་མའི་དམ་ཚིག་གོལ་བའི་ལམ།། མི་འདའ་རྫོགས་པའི་དམ་ཚིག
iiif viewer powered by OpenSeadragon
