| e-texts navigator |
| Wylie |
18a1 སོ།། ཀུན་ལ་ཁྱབ་པ་རང་བཞིན་ནི།། སངས་རྒྱས་ཀྱིས་ཀྱང་མ་གཟིགས་ཏེ།། མངོན་སུམ་མི་གནས་ཀུན་ཏུ་ཁྱབ།། ཀུན་ཏུ་འོད་དེ་འདུས་མ་བྱས།། རྟག་པ་ཉིད་དེ་རྡོ་རྗེ་སྐུ།། ཀ་ཡ་དག་པའི་སྐུ་མཆོག
18a2 དེ།། ཆོས་ཉིད་སྐུ་ཞེས་བཤད་པ་ཡིན།། དེ་རྟོགས་གསལ་བར་བཤད་པ་ནི།། རང་བྱུང་ཡེ་ཤེས་ཆེན་པོ་སྟེ།། ཀུན་གཞི་ལ་སོགས་གྱུར་པ་ལས།། ཐབས་ཀྱི་རིམ་པ་བྱུང་བ་ནི།། པདྨ་སྤྱན་ཏེ་འདུས་བྱས་སོ།། མི་རྟོག
18a3 མངོན་བྱང་ཆུབ་པའི་སྐུ།། ག་ཎ་བསགས་པའི་སྐུ་མཆོག་སྟེ།། སྟོང་པ་ཉིད་ཀྱི་ཡེ་ཤེས་པས།། སྐད་ཅིག་གཅིག་མངོན་རྫོགས་བྱང་ཆུབ།། གཉིས་སུ་མེད་པ་ཆོས་ཀྱི་སྐུའོ།། བྱིན་གྱིས་རླབས་ལས་བྱུང་བ་ཡི།། རང
18a4 བཞིན་དཀྱིལ་འཁོར་ཆེན་པོ་ནི།། ཀུན་རྫོབ་དོན་དུ་སེམས་བསྐྱེད་ནས།། སྣང་བ་མི་འགོག་པ་ཡི་ཐབས།། སྔགས་དང་ཕྱག་རྒྱ་རབ་བསྟན་པས།། རྡོ་རྗེ་དབྱིངས་ཀྱི་དཀྱིལ་འཁོར་ཤར།། ལོངས་སྤྱོད་སྐུ་དེ་རྟེན་འབྲེལ
18a5 མཆོག། ཡི་གེ་འཁོར་ལོ་ཚོགས་ཆེན་ཏེ།། མཚན་དང་དཔེ་བྱད་ལྡན་པར་གནས།། རྒྱུན་གྱིས་རྟག་པ་བསོད་ནམས་སྐུ།། ཡེ་ཤེས་རྣམ་དག་ཡང་དག་ལྡན།། མགོན་པོ་བདག་ཉིད་ཆེན་པོས་ནི།། རྡོ་རྗེ་འཁོར་ལོ་བསྐོར
18a6 བ་ན།། ལྗགས་ཀྱི་དབང་པོ་བཀྲམ་ནས་ནི།། ཆོས་ཀྱི་འཁོར་ལོ་བསྐོར་བར་བྱེད།། རིག་པའི་སྐྱེས་བུ་ཆེན་པོ་ལ།། སྨོན་ལམ་ལས་ནི་རྟེན་འབྲེལ་པས།། འཇིག་རྟེན་ཁམས་ནི་ཐམས་ཅད་དུ།། སྤྲུལ་པའི་སྐུ་ནི་སྣང་བ
iiif viewer powered by OpenSeadragon
