| e-texts navigator |
| Wylie |
189b1 བགྲོད་མ་ཡིན་དུས་གཅིག་རྫོགས་པའི་དབང་།། རྟོག་པས་བསྒྲུབ་མི་དགོས་ཏེ་རང་བཞིན་རྫོགས།། ཡེ་ཐོབ་རང་བཞིན་ཐིག་ལེར་རྫོགས་པའི་དོན།། བརྗོད་བྲལ་མཚོན་པས་དགའ་བའི་ཡེ་ཤེས་ཡིན།། འཇིག་མེད
189b2 རང་བཞིན་གསལ་བའི་ཡེ་ཤེས་ཏེ།། དམིགས་བྲལ་མཚན་མ་མེད་པའི་ཤེས་རབ་ཡིན།། མ་ལུས་ལྷུན་གྲུབ་མི་འདའ་ཕྱག་རྒྱས་གདབ།། མ་ལྷུན་གྱིས་རྫོགས་པའི་དབང་བཞི་པ།། རིག་པ་རྩལ་གྱི་དབང་ལ་བདེར
189b3 ནོས་ཤིག། རིག་པ་རྩལ་གྱིས་ཐོབ་དང་གདམས་ངག་དུས་ཀྱིས་ཐོབ།། སྐལ་མེད་བརྒྱུད་པས་ཐོབ་པའི་ཐབས་ཉིད་ཀྱིས།། ཅི་རིགས་རང་བྱུང་དང་ལ་ཐབས་ཀྱིས་བཞག། རིན་ཆེན་འཕྲུལ་གྱི་མེ་ལོང་སེམས་ལ
189b4 དགྲམ།། རྣ་བརྒྱུད་གདམས་ངག་ལེགས་པར་སྙིང་ལ་སྒོམས།། རྒྱ་རྟགས་གདབ་ལ་ཡུན་དུ་ལེགས་པར་བཅང་།། ཞེས་གསུངས་སོ།། སྙིང་པོ་དོན་གྱི་རྒྱུད་ལས། རིག་པ་རྩལ་གྱི་དབང་གི་ལེའུ་སྟེ་བདུན
189b5 པའོ།། །། དེ་ནས་བཅོམ་ལྡན་འདས་རྩོལ་བྲལ་རིག་པའི་རྒྱལ་པོ་དེས། ཐབས་ཆེན་བསྒྲུབ་པའི་ལེའུ་འདི་གསུངས་སོ།། ཡེ་ཤེས་ཀླུང་དུ་ཞུགས་པའི་རྣལ་འབྱོར་པས།། བཀའ་རྟགས་ཕྱག་རྒྱ་ལྡན་པའི་སྐྱེ་བོ
189b6 ལ།། རང་བྱུང་རིག་པ་བདེ་མཆོག་སེམས་ཀྱི་ད་ལ།། རིན་ཆེན་ལྡེ་མིག་མཚོན་པས་སྒོ་དབྱེ་བསྟན།། བསྲུང་བྲལ་རིག་པའི་དམ་ཚིག་རིག་པ་གསུམ།། ལེགས་པར་ཕོག་ལ་མི་འདའ་ནན་ཏན་བྱ།། རང་བཞིན་ལྷུན
iiif viewer powered by OpenSeadragon
