| e-texts navigator |
| Wylie |
189a1 པའི་མཛད་སྤྱོད་དོ།། རང་བྱུང་རྫོགས་པའི་སྙིང་པོ་འདི་རིག་ན།། སྒྲིབ་དང་མི་སྒྲིབ་ཅིས་ནི་ཡོངས་མ་གསུངས། སྙིང་པོ་དོན་གྱི་རྒྱུད་ལས། བདེ་མཆོག་ཕྱག་རྒྱར་སྤྱད་པའི་ལེའུ་སྟེ་དྲུག
189a2 པའོ།། །། དེ་ནས་ཡང་བཅོམ་ལྡན་འདས་རིག་པའི་རྒྱལ་པོ་དེས། མ་བྱས་རང་བཞིན་རྫོགས་པ་ཞེས་བྱ་བ་འདི་གསུངས་སོ།། སེམས་ཉིད་རང་བྱུང་ལེགས་པར་ཉིད་དབང་སྒྱུར།། རང་བྱུང་ཀློང་ག་ལ་ཀུན
189a3 ལ་དབང་ཐོབ་པས།། ལེགས་པའི་རྒྱལ་པོ་ལྷུན་རྫོགས་བདེ་ཆེན་དབང་།། བསྐུར་ཐོབ་རག་མ་ལས་པ་དབང་གི་ཀློང་།། རང་སེམས་རྫོགས་པ་ཡོངས་རྫོགས་གསལ་འགྱུར་བས།། ཕྱག་རྒྱའི་དཀྱིལ་འཁོར་དབང་ལ
189a4 རག་མ་ལས།། མ་བརྗོད་སྙིང་པོའི་ངང་ལ་ཀུན་རྫོགས་པས།། སྔགས་ཚིག་བདེ་བའི་དབང་ལ་ལྟོས་པ་མེད།། མཚན་མ་ཀུན་བྲལ་རང་སེམས་རྫོགས་པ་ལ།། རྫས་དང་ཏིང་འཛིན་དོན་ལ་རྩོལ་བ
189a5 མེད།། རྒྱལ་ཐབས་སྤྱི་བླུགས་ཚངས་པའི་དབང་ཆེན་གྱིས།། མ་བསྐུར་རང་བཞིན་རྫོགས་པ་འདི་རྟོགས་པས།། དབང་མཆོག་ལྷུན་གྲུབ་བདེ་ལ་གནས་པར་འགྱུར།། རིག་པའི་རྒྱལ་པོ་ཀུན་ལ་དབང་བསྒྱུར
189a6 བས།། རྣམ་རྟོག་མཚན་མའི་དབང་ལ་རྟེན་མི་འཆའ།། དབང་གི་དབང་མཆོག་ཟབ་མོ་རྫོགས་པའི་དབང་།། རྟོག་པས་མ་བསྐུར་ལྷུན་རྫོགས་ཡེ་སངས་རྒྱས།། འདུས་བྱས་མ་ཡིན་སྐྱེ་འཇིག་མེད་པའི་དབང་། རིམ
iiif viewer powered by OpenSeadragon
