| e-texts navigator |
| Wylie |
188b1 སྒྲུབ་མེད།། ལམ་ལ་མི་བགྲོད་ས་ལ་མི་སྦྱང་ཞིང་།། ལྷུན་གྲུབ་ཡེ་ཤེས་ངང་ལས་འདའ་མི་སྲིད།། མཁའ་མཉམ་རྒྱལ་པོ་ཀུན་གྱི་རེ་བ་བསྐང་།། མ་ལུས་ཐིག་ལེ་གཅིག་པས་དབྱིངས་ལ་རྫོགས།། མི་སྐྱེ་མི་འགག་མི
188b2 རྩོལ་དེ་བཞིན་ཉིད།། ཐེག་མཆོག་སྙིང་པོ་འདི་ལ་ཀུན་རྫོགས་པས།། བྱས་པ་མེད་པར་རང་བཞིན་ལྷུན་གྱིས་རྫོགས།། རྟོག་དཔྱོད་འདས་པ་ཀུན་གྱི་ཡུལ་ལ་རོལ།། བརྡའ་དང་ཐ་སྙད་རྗེས་འབྲང་རིག་པ་ཡིས།། མ
188b3 བཅོས་སྙིང་པོ་བྱང་ཆུབ་སེམས་མི་རྟོགས།། གང་ལ་ཞེན་ཅིང་བརྟག་པ་དེ་བཏང་ལ།། གཉིས་མེད་གཉིས་འཛིན་རྟོག་པས་མ་འཆིང་ཞིག། མ་བསམས་རང་བཞིན་བཞག་པས་སྒྲིབ་པ་འབྱང་།། མུན་པ་ཡེ་ནས་དག
188b4 པས་བསལ་མི་དགོས།། ལྷུན་གྱིས་གྲུབ་པས་གཞན་ལ་གསོལ་མི་འདེབས།། རང་ལ་རྫོགས་པས་མི་བསྙེག་མི་བགྲོད་དེ།། མ་བྱས་རང་བཞིན་གནས་པས་འདི་ཉིད་རྫོགས།། བྱ་བ་མི་དགོས་མི་བཙལ་མི་བསྒྲུབ
188b5 ཅིང་།། དགེ་སྡིག་མི་འབྱེད་ཡེ་ནས་གོས་པ་མེད།། མ་ཆགས་ཐབས་ཀྱི་སྤྱོད་པ་ཀུན་སྦྱར་ནས།། ཉེས་མེད་རྒྱལ་བའི་ཞིང་ཁམས་རྨད་དུ་བྱུང་།། རང་བྱུང་གསལ་བའི་སྙིང་པོ་ཐམས་ཅད་རྫོགས།། གང་ཡང་མ
188b6 བཀག་འགྲོ་བ་འདུལ་མཛད་པའི།། གང་ལྟར་ཡིན་པའི་རང་བཞིན་དེ་ལྟར་གནས།། འོད་གསལ་རང་བྱུང་སེམས་ལ་གཉིས་མེད་པས།། དཔྱད་དང་བསྒོམ་རྩོལ་མ་ལུས་འཁྲུལ་པ་ཡིན།། མ་བཙལ་ལྷུན་གྱིས་གྲུབ
iiif viewer powered by OpenSeadragon
