| e-texts navigator |
| Wylie |
188a1 གསུམ་རྒྱལ་བའི་རང་བཞིན་སྐུ་གསུང་ཐུགས།། རང་བྱུང་རིག་པའི་རྒྱལ་པོ་སྟོན་པ་ཁྱོད།། ཉིད་ཀྱི་ཐུགས་གཅིག་རང་བྱུང་ཡེ་ཤེས་ཉིད།། དགོངས་པའི་དོན་འདི་ཉིད་ཀྱིས་ཇི་ལྟར་རྟོགས།། ཞེས
188a2 སོ།། རིག་པའི་རྒྱལ་པོ་ཆེན་པོས་ལན་སླར་གསུངས་པ།། ཀུན་གྱི་རང་བཞིན་བདེ་མཆོག་ཕྱག་རྒྱ་འདི།། མ་ལུས་དགོངས་པའི་ངང་ལ་ཀུན་འདུས་པས།། བསམ་ཞིང་དཔྱད་པའི་འདུ་ཤེས་མི་གནས་ཏེ།། རང་བྱུང
188a3 འོད་ཀྱིས་ཀུན་ལ་ཁྱབ་པར་གསལ།། ཀུན་གྱི་རང་བཞིན་སྙིང་པོ་ཀུན་འདུས་པ།། གསང་བ་ཆེན་པོ་མ་བཅོས་སྒྲོ་སྐུར་ཞི།། རང་བཞིན་མ་ཡིན་ཚད་མ་ཀུན་དང་བྲལ།། བདག་ཉིད་མ་ཡིན་ལྷུན་རྫོགས་ཀུན་གྱི་སྙིང་པོ
188a4 འདི།། གང་ཡང་མ་ཡིན་མེད་པའི་སྙིང་པོ་ཡོད།། མ་བྱས་རང་བཞིན་རྫོགས་པའི་ཡོན་ཏན་གྱིས།། ཐུགས་རྗེ་རྩོལ་མེད་ཉི་མའི་འོད་ལྟར་འཆར།། རང་བྱུང་གཅིག་ལ་ཐེག་པ་ཀུན་རྫོགས་པས།། ཚིག་གཅིག་རྟོགས
188a5 པས་དོན་ཀུན་རྫོགས་པའི་བདག། མ་སྦྱངས་མི་གནས་བདེ་མཆོག་ཇི་བཞིན་གནས།། མ་བཙལ་རང་བཞིན་བཞག་ན་བསམ་པ་ཟད།། ཡེངས་མེད་ཐབས་ཀྱིས་གནས་ན་བཅིངས་པ་གྲོལ།། མཐའ་དབུས་ཕྱི་ནང།
188a6 མེད་པ་ཆོས་ཀྱི་དབྱིངས།། རང་བཞིན་དག་པའི་དོན་ལ་བསྒོམ་དུ་མེད།། མ་ཡེངས་ཡལ་བར་བཞག་པས་རང་བཞིན་གོམས།། རོལ་པའི་ཕྱག་རྒྱ་གཅིག་པས་དགག་ཏུ་མེད།། ཉོན་མོངས་ཡེ་ཤེས་རང་གསལ་སྤང་བ
iiif viewer powered by OpenSeadragon
