| e-texts navigator |
| Wylie |
187a1 བཞུགས།། རང་བྱུང་བྱང་ཆུབ་སྙིང་པོ་ལ།། མ་བཙལ་མ་བསྒྲུབས་རང་བཞིན་བཞག། གང་དག་ཡེ་ཤེས་ངང་ཡིན་ཡང་།། བསམ་པའི་ངོ་ལ་ཕྱིན་ཅི་ལོག། སྨིག་རྒྱུ་ལ་ནི་ཆུ་བློ་བཞག། དོན་ལ་བཞག
187a2 བླང་མེད་ན་ཡང་།། བརྟགས་པའི་འདུ་ཤེས་བསམ་མི་ཁྱབ།། བྱང་ཆུབ་སེམས་ཀྱི་རང་བཞིན་ནི།། ཀུན་དང་རིག་པ་དུས་མཉམ་པས།། གང་དག་རིག་པ་མེད་པར་གནས།། འདི་དག་འདི་ལྟར་བདེ་མཆོག་ཡིན།། མ
187a3 བཅོས་སྙིང་པོ་མཆོག་གི་དོན།། མ་བཙལ་རང་བྱུང་མཆོག་གི་ཤེས།། རང་འབར་བཙལ་མེད་རིག་པའི་སེམས།། གསལ་བའི་མར་མེའི་འདུ་ཤེས་མེད།། རྒྱུ་བ་མེད་པའི་ཚུལ་གྱིས་དབྱེ།། ཕྱག་རྒྱ་ཆེན་པོས་ཀུན་ཐེབས
187a4 པས།། མཚན་མའི་རྟོག་པ་གཡོ་མི་འགྱུར།། རང་བཞིན་འཁོར་ལོར་ཡེ་བརྟེན་པས།། རིག་པའི་དཀྱིལ་འཁོར་བསྐྱེད་དུ་མེད།། ཡེ་ཤེས་འབར་བའི་བཞུགས་གནས་ལ།། རང་བྱུང་སྒྲིབ་མེད་གསལ་བས་བརྒྱན།། དུས
187a5 མ་རྒྱལ་བའི་རང་བཞིན་པས།། གཉིས་མེད་ངང་ལ་དོན་ཀུན་རྫོགས།། རང་བྱུང་རིག་པའི་རྒྱལ་པོ་ལ།། དྲན་འབྱུང་རིག་པའི་འདུ་ཤེས་མེད།། སྔགས་དང་ཕྱག་རྒྱ་མཆོད་པ་དང་།། དཀའ་སྨད་ཆེར་བྱས་མ་ལུས
187a6 པ།། བཙལ་མེད་ལོག་པའི་རི་བོ་འདིས།། བདག་ཉིད་འཆིང་འགྱུར་ཅི་ཞིག་བྱ།། བྱ་བ་མ་ལུས་ཀུན་བཏང་ལ།། མ་བྱས་མ་བཙལ་ཅིར་མི་འཛིན།། འདུ་ཤེས་མེད་པར་རང་བཞིན་ཞོག། རང་བྱུང་བདེར་བཞག་གྲོལ
iiif viewer powered by OpenSeadragon
