| e-texts navigator |
| Wylie |
185a1 གནས།། ཡེངས་པ་མེད་དོ་ཅི་དགར་ཞོག། མི་སྤྲོ་མི་བསྡུ་ཡན་དུ་ཁྱེ།། མ་བསྒོམས་ཡལ་བར་བཞག་པས་རྟོགས།། མི་བསམ་མི་སྤྱོད་ཡུལ་མ་ཚོལ།། རྒྱུའོ་ཆགས་བྲལ་བྱང་ཆུབ་སེམས།། མ་བཅོས་སྙིང
185a2 པོ་དོན་གྱི་རྒྱུད།། གསལ་དང་མི་གསལ་དམ་པ་དང་།། ཐ་མལ་འདུ་ཤེས་རྣམ་པར་བཅད།། ཅེས་གསུངས་སོ།། སྙིང་པོ་དོན་གྱི་རྒྱུད་ལས། ལུང་གསུམ་མ་བཅོས་པ་གཏན་ལ་ཕབ་པའི་ལེའུ་སྟེ་གསུམ
185a3 པའོ།། །། དེ་ནས་བཅོམ་ལྡན་འདས་རང་བྱུང་རིག་པའི་རྒྱལ་པོ་དེས། རྣམ་དག་གསལ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ།། རང་བཞིན་མི་གནས་བྱང་ཆུབ་སེམས།། ལོག
185a4 རྟོག་སུམ་བརྒྱ་དྲུག་ཅུ་ཡིས།། མེད་ལས་ཡོད་པའི་ཚུལ་འགྱུར་བས།། ཞེན་པའི་འཇིག་རྟེན་ཐེག་པ་གནས།། བསྐྱེད་པ་མེད་པའི་བྱང་ཆུབ་སེམས།། འཇིག་པ་མེད་པ་ནམ་མཁའ་འདྲ།། གང་ལའང་མི་བརྟེན་རྟོག
185a5 དཔྱོད་འདས།། མ་བཅོས་རྫོགས་པའི་ཐེག་པར་གསུངས།། གཏན་ལ་ཕེབས་པའི་ལུང་བཅུ་ཡིས།། རང་བཞིན་གཅིག་ཏུ་གསལ་བར་སྟོན།། ལུང་གསུམ་འདུས་པའི་སྙིང་པོ་འདི།། རྩ་གསུམ་ཀུན་འདུས་གསང་བའི
185a6 གཏེར།། རང་བྱུང་སེམས་ཉིད་ཀློང་གདལ་བས།། རྣམ་པར་དབྱེ་བའི་ཆོས་མེད་པས།། རོལ་པའི་ཡོན་ཏན་ཁྱད་པར་གྱིས།། ཀློང་དགུ་སེམས་ཉིད་བསྟན་པར་འཆད།། ལྟ་བ་རང་བྱུང་རྫོགས་པའི་ལུང་།། མ་ལུས་ཀུན
iiif viewer powered by OpenSeadragon
