| e-texts navigator |
| Wylie |
184a1 གང་བརྗོད་ཀྱང་།། བརྡའ་སྒོ་རྟོག་པའི་རྗེས་སུ་འབྲངས།། བདེན་བྲལ་རྣམ་རྟོག་ལྕགས་ཀྱིས་བསྡམས།། རང་བྱུང་རིག་པའི་ཐིག་ལེ་ཡིས།། མ་ཁྱབ་པ་ཡི་ཆོས་མེད་པས།། སྒྲོ་བསྡུ་བྲལ་ལོ་དབྱིངས་ལ
184a2 རྫོགས།། བདེ་ཆེན་རིག་པ་རྡོ་རྗེའི་ལུང་།། མ་བཅོས་རང་གསལ་དབྱིངས་སུ་རྫོགས།། དེ་ལ་དེར་གཞག་དེར་བཞག་ན།། འབད་པ་མེད་པ་ལྷུན་གྱིས་གྲུབ།། མ་བཙལ་ལྷུན་གྱིས་གྲུབ་པའི་ཕྱིར།། དཔེར་ན་ཉི་མའི
184a3 འོད་དང་མཚུངས།། མ་བཅོས་སེམས་ཀྱི་རང་བཞིན་དང་།། ཅི་བཞིན་རིག་པའི་གཏན་ཚིགས་ཀྱིས།། དེ་ཉིད་མ་ཡིན་གཞན་མིན་ཏེ།། གཉིས་མེད་རིག་པ་དུས་གཅིག་རྫོགས།། ཀུན་རྫོགས་བདེ་ཆེན་ཡངས་དོག།
184a4 མེད།། རང་སེམས་ལྷུན་གྲུབ་སྙིང་པོ་ནི།། ཉམས་མྱོང་རིག་པ་དཔེ་བཞིན་ལྟར།། འོད་གསལ་འདུ་ཤེས་རྣམ་བྲལ་བས།། རང་གསལ་རིག་པ་དབྱིངས་ལ་རྫོགས།། བརྒྱུད་པ་ཐབས་ཀྱི་འཕྲུལ་ཚིག་གིས།། རང་བྱུང
184a5 འོད་གསལ་བདེ་ཆེན་ལ།། གཉིས་མེད་དོན་ལས་མི་གཡོ་ཡང་།། མ་བཙལ་ལྷུན་གྱིས་གྲུབ་པའི་མཚོན།། ཐམས་ཅད་རྟོགས་པའི་ཐབས་ཡིན་པས།། གང་ལྟར་བདེ་བའི་དོན་ལ་འཛུད།། མཐུན་འཇུག་སྤྱོད་པ་རྒྱ་མཚོ
184a6 ནི།། འདུལ་བའི་ཐབས་ལ་བསྟན་པ་ཡིན།། རིམ་པའམ་དུས་གཅིག་ཁྱད་པར་ནི།། རྟོགས་པའི་ཁྱད་པར་ཆེ་ཆུང་གིས།། དངོས་པོ་གཅིག་ལ་དབྱེ་བ་ཡིན།། གཉིས་མེད་དོན་དུ་གསལ་བར་གཅིག། འདུལ་ཐབས་ཐེག
iiif viewer powered by OpenSeadragon
